Amen... og allt það !

Endalok?

2008-01-02T07:28:00.001-08:00

Jæja strumparnir mínir. Ég mun nú leggja árar í/á/undir/yfir bát og enda Amen og allt það á hinu herrans ári 2008. Þið sem þekkið mig best njótið góðs af nærveru minni og skemmtisögum. Sögum af nýju úlpunni sem ég keypti mér, vonda kjúklingnum sem ég borðaði í hádeginu og litnum á tannburstanum mínum. Þið sem þekkið mig ekki... kemur það ekki við. >:)

Ekki örvænta... þó ég sé hætt að skrifa, þá er hægt að fylgjast með mér hér.

:)

Staðreyndir dagsins

2007-12-28T03:13:00.000-08:00

1. Ég á afmæli á bolludegi árið 2008. Hversu kúl er það?
2. Egill skrifaði fyndna bloggfærslu.
3. Það verður djamm í kvöld.
4. Hlakka til að hitta danska, fráflutta vini.
5. Hádegismatur... núna.
6. ......
7. Profit

Gleðileg jól

2007-12-24T03:53:00.000-08:00

Ótrúlegt en satt þá eru jólin mætt á svæðið. Tíminn gerir greinilega ekkert annað en að líða eins hratt og hann mögulega getur! Síðasti mánuður, eða svo, er búinn að vera æði, ég hlakka mikið til að snæða jólaöndina og grautinn í kvöld og get ekki beðið eftir að nýtt ár hefjist... held að 2008 verði gott ár :) (Erna og Jens.. úúúííí)

Asparás er byrjaður, Tási kominn til að vera og matarboð hverja helgi er vonandi næst á dagskrá.

Aftur, Gleðileg jól mín kæru, takk fyrir allt gamalt og gott og vonandi hafið þið það gott og feitt í kvöld...

... I know I will ;)

Thanksgiving

2007-11-19T01:20:00.000-08:00

Í ljósi þess að aðeins 35 dagar eru til jóla, ákváðum við vinirnir, í klisjukenndri jólavímu, að halda thanksgiving eftir bókinni. Þar sem við höfum aldrei eldað kalkún fyrir 13 manns áður, hvað þá pumpkin pie og meðlæti fyrir alla þessa munna, var hnútur í maga í byrjun dags! Meðferð gegn thanksgiving hnút var auðvitað Súkkulaði Nóa Konfekt sem við hömsuðum græðgislega í okkur á meðan eldamennsku stóð ásamt nokkrum vel völdum jólalögum.

Eldun á kalkúnsófétinu hófst klukkan 13:00. Ég ætla ekki að lýsa því hversu slímugt og hræðilegt það er að koma við kaldan, lífvana, 7 kílóa kalkún. Hvað þá að setja í hann fyllingu. En það tókst að lokum að krydda hann og trodda í ofninn til grillunar. Ég og Erna vökvuðum svo ódýrið, á hálftíma fresti í 5 klukkutíma, með alvöru íslensku smjeri.

Með okkur í liði voru 11 hjálparkokkar sem lögðu sitt af mörkum við að búa til sæta-karföflu kartöflustöppu með smjörsteiktum sveppum, semi valdorfsalat, pecan-pie og pumpkin-pie.

Loks þegar matur var borinn á borð, og við bitum í .. ekki þurran kalkún, gúmmulaði meðlæti og vel heppnaða pumpkin-pie, komumst við Erna að því að við erum miklir listakokkar og afskaplega duglegar að skipa fólki fyrir! Alls ekki slæm útkoma miðað við fyrstu tilraun þó ég segi sjálf frá. Kalkúnninn leit meira að segja auglýsingalega út. Gullinbrúnn og glansandi fínn. Vantaði bara litlu kokkahattana sem eru alltaf settir á leggina!

Allt í allt var þetta frábær dagur. Vantaði reyndar í lið með okkur Dag og Gunna, en þar sem þetta mun að öllum líkindum verða árlegur viðburður héðan af, þá missa þeir ekki af þessu næst!

Takk kærlega fyrir góðan dag og alla hjálpina mín kæru! Good times...

Þar sem mikið af góðu fólki er safnað saman í eina hrúgu, undir einu þaki með gúmmulaði og jólatónlist, er gaman að vera!

Þar hafið þið það. Frægðarsaga af því hvernig við náðum að elda "fullorðinsmat" í risaveislu með mömmumeðlæti!

Hardkor staðreyndir

2007-10-10T06:58:00.001-07:00

Hafið þið tekið eftir því að í hvert skipti sem maður fær sér kínamat.. og það vill svo til að tilvonandi kínamatur sé kjúklingaréttur, þá er alltaf eins og kínamats-búa-tilararnir hafi notað rassinn á kjúklingnum, skinnið milli tánna nú eða endann á stélinu (sem btw. er ekki mikið kjöt á). Nú er ég ekki að gera lítið úr kínamats-kjúklingaréttum, og nei, ég er ekki vön að stúdera kjúklingarassa, en kjötið er í öllum tilfellum krumpað og í hverjum einasta rétti leynist eitthvað gúmmíkennt!

Svo komst ég líka að nokkuð mögnuðu í sumar. Sveppir, venjulegir útisveppir, hvernig sem er í laginu... ef það er sveppur einhvernstaðar í augsýn þá þarf sá hinn sami og sá sveppinn að eyðileggja hann með eins ofsafengnum hætti og dramatík og hugsast getur. Ég hef meira að segja staðið sjálfa mig að þessu, að geta ekki ráðið við mig, hlaupa í átt að sveppahrúgu og sparka sveppunum eins langt og fast og ég get.

Ég held að sveppir séu í útrýmingarhættu! Það skipti ekki máli hvert ég fór í sumar, það voru sveppahræ á öðruhverju götuhorni. Stundum voru meira að segja sveppahræ á stöðum sem einungis liprustu og klókustu sveinar og yndismenni, sem tala í gátum og leysa vandamál heimsins á hverjum degi, kæmust að. Mikill metnaður lagður í sveppatremma!

Svo er ekki nóg að trampa bara á sveppunum, það þarf helst að sprengja þá upp og skilja eftir 3ja metra radíus af sveppaleifum á slysstað.

Ég verð alltaf að hafa allar myndir hægramegin ... ergo, mynd hér til hægri!

Bumbubúinn hennar Þorbjargar var líka að kíkja í heiminn. Til lukku í krukku :)

Fullt að gerast hjá fullt af fólki, og fullu fólki, und októberfest um helgina.

Ég og Erna munum án efa brillera í bjórsölu og hattamálum! Tala nú ekki um yfirskeggin!

Ze white lizzzzard

2007-09-11T05:17:00.000-07:00

Jæja elskurnar, ungfrúin hefur eignast nýtt dót. Segi ekki meir... takk fyrir og bless!!

Það nýjasta í fréttum...

2007-09-07T03:09:00.001-07:00

Ég þarf ekki að fara í skóla í haust... þetta er afskaplega dularfull tilfinning, dularfull í mjög svo góðum skilningi engu að síður. Mér líður pínkulítið eins og ég sé að svindla, en samt ekki. Í staðinn fyrir heimavinnu í hverjum mánuði fæ ég launaseðil, fríar helgar og kvöld sem ég get eytt í hvað sem er, annað en að hafa áhyggjur af prófum og skilaverkefnum. Þetta er náttúrulega bara djöðveikt!
Ég hlakka mikið til að geta undirbúið jólin og notið þeirra í botn án þess að hafa farið í gegnum jólapróf og lokaverkefni. Ég er meira að segja að fara til Boston þegar meint lokaverkefni hefði átt að vera í fullum gangi!

Þetta er bara eintóm gleði!

Erna og Jens fara svo að láta sjá sig eftir tæpan mánuð. Er nú farin að hlakka mikið til að fá þessi dýr heim. Þó þó séu "bara" búin að vera burtu í 4 mánuði, þá finnur maður alveg fyrir því hvað ákveðnir einstaklingar skipta mann miklu máli. Tek sérstaklega vel eftir því þegar ég hugsa að ég hafði "full access" að þeim hvenær sem mér hentaði áður en þau fóru. ;)
Samt svo mikið skemmtilegt að fara að gerast hjá þeim sem ég er mjög spennt yfir en ætla ekki að láta í ljós fyrr en þau eru búin að .. láta.. almennilega.. í ljós :|

Svo var illkettiseigandinn, ásbúðarforinginn og garðarótarinn hún móðir mín að búa sér til heimasíðu. Link á hana má finna hér hægramegin undir Múmfey! Mamma + gúmfey = Múmfey! Því gúmfey er gott og mamma mín er það líka.

Ekkert hefur heyrst af mótorhjólakaupum. Það er frekar óþolandi að vera með and******S prófið en ekkert hjól til að prófa! Ég ætla þó aðeins að mýkja höggið og kaupa mér gallann. Vera í honum alla daga, sofa í honum, sitja í nýja sófanum í honum, fara í gallanum í búðina og sérstaklega brúðkaup. Mikið búin að vera að nýðast á pabba, sem hefur verið afskaplega hjálplegur í þessu öllusaman. Þarf greinilega að baka margar kökur á næstunni!

Fullt af texta, fullt af upplýsingum, ég fer að heimta partý með fólkinu mínu bráðum og ég eeeeeeelska hnetu-, fræ og rúsínu mix með pínkulítið af salti!

Hvað næst?

2007-08-09T03:21:00.001-07:00

Jæja elsku börnin mín, það sem á daga mína hefur drifið síðustu 2 vikur:

- Stór og feitur kúrusófi keyptur

- Hótel Hekla

- Spider pig.

- Mótorhjólatímar

- Ferð pöntuð til Boston í Nóvember

- Meiri mótorhjólatímar

- Bakaði um það bil 500 gerðir af allskonar bakkelsi... það var gott!

- Skemill við feita æðislega mjúka gúmfey kúrusófann keyptur

- MÓTORHJÓLAPRÓF

Og á morgun er ég að fara til London að hangsa, vera löt, borða... "góðan" mat, slappa af, skoða og vesenast almennt. Það verður æði.

Svo þarf ég bara að fara að huga að því að kaupa mér hjól til að nýta þetta nýfengna próf mitt...

hihihihihiiii

lesson of the day: Muna að gefa ekki stefnuljós með hægri hendi á mótorhjóli!

Gott veður

2007-06-30T02:36:00.000-07:00

Mikil snilld er þetta sumar!
Vinnan mín er gleðin ein og dk ferðin var ó svo góð, þrátt fyrir mikla rigningu! Vægt til orða tekið...

Ég er búin að vera að rembast við að reyna að finna mér sófa. Þægilegan, feita, kúrulegan gúmfey sjónvarpssófa með tungu. Um daginn sá ég ansi góðan kandídat á móðursjúkutaugaveiklunarsíðunni barnaland.is. Í auglýsingunni var að finna símanúmer sem ég nýtti mér hiklaust og hringdi í fórnarlambið því ég vildi fá að vita hvort tungan á sófanum væri föst. Sófamennið sagðist ætla að hafa samband við mig seinna um daginn varðandi þetta mál, og ég gerði nú ekki ráð fyrir öðru en að hann myndi hringja í mig. Um það bil 4 klukkutímum síðar fæ ég sent sms frá númeri sem ég þekkti ekki og ég var auðvitað búin að steingleyma sófamanninum.
Samskipti okkar fóru fram á þennan hátt gegnum sms:

Sófamaður: Ekki er hægt að hreyfa tunguna...
Elín: (wtf???) Það er nú slæmt, því þá getur verið frekar erfitt að tala.
Sófamaður: Skiptir svosum ekki miklu máli ef maður er sófi.
Elín -> Ohhh doohh, hálfviti Elín... djísús!

Í öðrum fréttum er mótorhjólaprófið er komið á skrið og miðað við síðustu fréttir, og ef allt gengur vel, verð ég orðin lögleg mótorhjólakelling eftir tæpar 2 vikur. Mikið verður það hamingjusamt þegar ég get farið að þeysa um götur Garðabæjar... og jafnvel einhverjar aðrar götur líka!

Beware of the bikerchick!

Tölvunarfræðingur

2007-05-17T04:05:00.000-07:00

- BSc verkefnið mitt er búið!
- Ég er búin með háskóla!
- Ég er að fara að vinna í næstu viku!
- Ég fer ekki í skóla í haust.
- Ég fer ekki í jóla-, miðannar- eða vorpróf!
- Svona leið mér í gær ->
- Svona líður mér núna ->

- Ég er glöð!

:D

Súmfí

2007-04-29T09:04:00.000-07:00

Það er alveg að koma sumar, þetta veit ég, svona er ég nú klár! Ég veit það ekki endilega bara af því að 1.maí er á morgun og sumardagurinn fyrsti er liðinn. Ég veit það af því að í gær sá ég fyrstu randafluguna mína og fyrstu lóuna mína.
Randaflugan sat á húsvegg í sólbaði, feit og pattaraleg! Nægjanlega stór til þess að valda miklum usla inn í skólastofu og skyggja á sólina í aðgerðarleysi!

Svo þegar ég leit út um gluggann áðan sýndist mér vera komin pínkulítil snjókoma... þegar ég leit betur þá voru þetta bara mýflugur að fljúga stjórnlaust í hringi! Svona upp og niður style!

Weebl and Bob

2007-04-10T08:38:00.001-07:00

Þetta er svo yndislega fyndið...

...tastie pie!

Holly Dolly

2007-03-25T10:16:00.001-07:00

Ég komst að því um daginn, þegar ég er búin að vera að læra ofurmikið, hvað það er yndislega fínt að standa upp frá tölvunni, setja þetta vidjó í gang og dansa eins og rass út um allt! Mæli með þessu...
Þetta er officially nýja uppáhalds lagið mitt!

Hver þekkir þetta ekki?

2007-03-04T01:29:00.000-08:00

Það er nánast undantekningarlaust í hvert skipti sem eitthvað mikilvægt er að fara að gertast, að myndarleg bóla geri vart við sig á mjög áberandi stað. Helst á nefbroddi eða milli augna. Þetta er greinilega mikil taktík hjá líkamanum, hvað tímasetningu varðar, því um leið og mikilvægi atburðurinn er liðinn þá hverfur hin hvimleiða bóla og líkaminn hugsar væntanlega "Ahhh, gott dagsverk að baki!".

Síðastliðinn föstudag var haldin árshátíð á vegum skólans, síðasta árshátíðin mín í HR, og viti menn, ég fékk Árshátíðarbólu á ennið! Það er líka algengt að fá Brúðkaups- og Afmælisbólu. Forsetabóla er sjaldgæf, þar sem ég hitti forsetann svo sjaldann að líkaminn hefur lítið sem ekkert tækifæri til að útbúa slíka. Það er í raun hægt að summa þetta saman í eina litla setningu: "Eitthvað ótrúlega mikilvægt að fara að gerast á morgun" bóla!
Hversdagsbólum tekur maður hinsvegar minna eftir því þær eru jú hversdags!

Það er þó hægt að ráða bót á þessum fúla félagsskap og reyna að drepa ódýrið með efnavopnum áður en atburður á sér stað. Ef það gengur ekki er best að fela bara helvítið á meðan atburði stendur og halda áfram pyntingum þegar hann er yfirstaðinn!

Annað í fréttum: Ernu var boðið í óvænta leyni-útlandaferð, skólinn er rétt rúmlega hálfnaður, ég elska engifer, ég hef það rassgatagott ef Árshátíðarbóla er mitt helsa áhyggjuefni!

Purple and Brown

2007-02-21T16:29:00.001-08:00

Það er mikið að gerast hjá mér þessa dagana. Það er eiginlega of mikið að gerast hjá mér þessa dagana!
Lokaverkefnið mitt er á fullu, plana ofurnörd, plana árshátíð, finna nýja stjórn, vera að rækta mig, bókhaldsmál, meira lokaverkefni, meiri verkefni og meira lokaverkefni! Ótrúlegt að ég hafi tíma til að anda.
Þetta er svosum ágætt, tíminn líður hraðar en allt sem fer hratt og bráðum koma páskar, svo kemur sumar og þá byrja útlandaferðir. Woohooo!!
Annars þá benti Ævar vinur minn mér á þessar fyndnu leirklessur hér að neðan.

Þetta er svo fyndið!

Hér má sjá öll videoin með Purple and brown

Very very scary... and dangerous!

2007-01-02T04:45:00.000-08:00

You Are 26% Evil

A bit of evil lurks in your heart, but you hide it well.
In some ways, you are the most dangerous kind of evil.

How Evil Are You?

Jæja, þar hafið þið það!
Best ég haldi áfram að skipuleggja heimsyfirráð og finna lækningu á alnÆMI OG SEGJA EINGUM FRÁ ÞVÍ, BWAHAHAHAAA ... nei ég meina, læra!

Jólaálfar, jólagleði!

2006-12-18T08:19:00.000-08:00

Smá jóladans fyrir ykkur mín kæru!

Gleðileg jól, þegar jólin loksins koma! Hafið það feitt og gott yfir hátíðarnar :)

Álfadans a la Elín!

Jól... já jól!

2006-12-09T08:43:00.000-08:00

Það er vika eftir af námskeiðinu mínu, bara ein lítil vika! Jáháá, ég hlakka svo mikið til!!

Hvað tekur svo við? Jú.. EKKI NEITT! Bara hangsa heima og halda áfram að gera fínt hérna hjá mér og jólaskreyta og búa til jólakökur og konfekt og karamellurnar góðu með Ernu! Halda svo jólakaffi fyrir alla sem vilja smakka og drekka kakó og horfa á teiknimyndir og liggja feit upp í sófa undir fína teppinu sem ég var að kaupa!

Hver hérna ætlar að koma með mér á Eragon? Ég hef heyrt sögusagnir um að Dagur sé að koma heim 18. des! Erna er búin í prófunum um 20. des! Eragon, 21. desember! Svo...

... jólin! hihihihihhiiiiiii :D

Töfralyf

2006-11-09T03:26:00.000-08:00

Stundum er gott að gleypa eins og eina panodil þegar manni líður tuskulega. Bara til að koma einhverju í verk. Eftir því sem lyfið verður sterkara því meira eitur verður það víst og sum lyf eiga það til að skipta einum verk út fyrir annan... eða aðra!

Til að gera ekki upp á milli lyfja, ákvað ég að halda nafni þessa lyfs leyndu. En eitt get ég þó sagt, þetta er bakflæðis, sjúkdómalyf!

Algengar aukaverkanir:
Höfuðverkur, kviðverkir, niðurgangur, vindgangur, ógleði/uppköst, hægðatregða, svimi. (GLÆSILEGT)

Sjaldgæfar aukaverkanir:
Svimi, munnþurrkur, húðbólgur, kláði, ofsakláði, breytt húðskyn, svefnhöfgi, svefnleysi, tímabundið rugl, æsingur, árásarhneigð, þunglyndi og ofskynjanir, brjóstastækkun karlmanna... blóðfrumnafæð... regnbogaroðasótt... breytingar á bragðskyni ofr. (HOW SPLENDID)

Hahhahaa ... getið ímyndað ykkur hvað það væri þá gaman, eftir inntöku óskilgreindrar pillu, að bíða í eftirvæntingu eftir því hvaða aukaverkanir láta ljós sitt skína. Væri meira að segja hægt að gera smá leik úr þessu:

"Ef þú færð man-boobs þá skuldarðu mér bjór!"

I made you a cookie but I eated it!

2006-10-21T15:09:00.000-07:00

Það er ótrúlega ofurmikið að gerast í skólanum núna. Próf og ánægja eftir 2 vikur tæpar og þar á eftir 3ja vikna verkefnið mitt. Eftir verkefnið góða koma svo jólin... JÓLIN JÓLIN... og áramótin. Rúmum mánuði síðar er svo 23 ára afmælið mitt fína og þar á eftir fullt af páskaeggjum og samviskulausu súkkulaðiáti! Loksins kemur svo sumarið aftur og þá er hægt að pakka húfunni og lúffunum ofaní skúffu, fara endalaust oft til útlanda og stunda það að velta sér uppúr grasi í sveitinni. Miðað við hvað þessum hundi þykir það notalegt... getur það ekki verið annað en gott!
Jæja, látum það samt gott heita. Þetta blogg er tileinkað Einari Crane (you know who you are) og til að halda mínum innri bloggara heitum!

Og svo einn gleðilegan brandara í lokin í boði Wulffmorgenthaler.

Lag dagsins er "Dont worry be happy"! Þetta lag fer einfaldlega svo yndislega vel með mín brothættu og kvenlegu eyru! Ég segi það satt!

Slímseta

2006-09-15T03:42:00.000-07:00

Erna... fantastico! says:
Það er ákvæði í jónsbók sem fjallar um slímsetu eða þegar að óboðinn gestur sest að of lengi og er almennt uppáþrengjandi.

Ella | says:
HAHAHA

Erna... fantastico! says:
þetta fólk sem slímsest hefur minni réttarvernd en annað fólk og má skv. ákvæðinu beita ofbeldi upp að vissu marki

Ella | says:
hahahhaha

Erna... fantastico! says:
ég gat bara ekki hætt að hugsa um hvað þér myndi finnast þetta fyndið

Ella | says:
HAHAHA ómægod

Erna... fantastico! says:
ég ætla að slímsetjast mikið á næstu dögum

Ella | says:
þetta er það fyndnasta í heimi

Svona er nú interesant og spennandi að eiga skemmtilega lögfræðivinkonu sem getur sagt manni frá fyndnum lögum og asnalegum staðreyndum!
Til frekari útskýringa skal kíkja á "Erna&Jensen" og lesa um slímsetu... ég get bara ekki hætt að hlæja að þessu.

Note to self: Slímsetja alla þá sem ekki hafa það í sér að ofbelda mig!

Eyallíjúbba!

2006-09-07T02:38:00.000-07:00

Skólinn er farinn grunsamlega hratt af stað og ég náði að blikka augunum í heil þrjú skipti áður en sumarfríið kláraðist! Erna er alveg að fara að koma heim frá Spáni, systir mín er byrjuð að vinna í Debenhams, minnstasta frænkan mín hún Valdís er alveg að verða 7 mánaða og Tvíundin er alveg heljarinnar vinna og smá stress - en skemmtileg engu að síður!

Ahh hvað það var nú samt gott að vera að vinna í sumar og ræktast og fara út að hjóla (believe it or not) og fara til útlanda og vera bara almennt að slæpast eitthvað. Það er voða næs! Og húú hvað það var gaman út á Spáni. Ætla ekki að segja neitt meir, það var bara ógeðslega gaman!

Annars bjó ég mér til krumpuegg um daginn. Og ég komst að því að sum brögð eiga bara vel saman. Eins og krumpuegg og tómatsósa. Eða bara egg almennt og tómatsósa. Ís og súkkulaði er góð blanda. Ís og bananar og/eða jarðaber líka. Heitar jólasmákökur (nb -> jólasmákökur) og köld mjólk... mmmhmmmm!
Maður borðar td. ekki ís með appelsínusafa. Og aldrei, aldrei bursta tennurnar og borða appelsínu eftirá! Það eiga einhver hræðileg efnaskipti sér stað á þessum tímapunkti!

Fyndnuorðalisti

2006-07-19T04:41:00.000-07:00

Já, það eiga allir einn svoleiðis lista (líka vondorðalista og ógeðisorðalista.. allskonar lista, þessi er bara skemmtilegastur). Þið vitið kannski ekki af því en hann er þarna. Orð sem þið heyrið og ykkur þykja fyndin og þau fá ykkur til að brosa.. ekki endilega af því þau þíða eitthvað fyndið, bara hvernig þau hljóma og eru borin fram.

Minn listi inniheldur meðal annars:

fés
skunkur
sveppur
musi
anus (já anus, því anus er rass og Frank er búinn að segja anus 9 sinnum á msn)
skrandi
kryppildi
strumpur
pulsa
frekna
... og svo mikið og marg fleira!

Svo er líka til skemmtilegar orðasamsetningar eins og "Ég er að fara til Spánar 27. júlí í 3 vikur!". Mhhhmmmmm, eins og ég sagði Palla áðan. Þá ætla ég að safna freknum og skíra þær allar á leiðinni heim. Uppáhaldsfreknan mun heita Ísdís, dekurfreknan... þeir sem þekkja mig vel vita af hverju!
Svo er veðrið bjúútífúllí gordjus! Ég ætla út að borða í dag :D

Hvernig dettur fólki þetta í hug??

2006-06-26T02:25:00.000-07:00

Úllen dúllen doff
kikkilani koff.
Koffilani bikkibani.
Úllen dúllen doff.

Hvað er td doff og bikkibani?
Ég ætla að verða fræg og búa til mörg svona ljóð og hér að neðan er einungis byrjunin á frægðarferli mínum.

Skumflasi musi þvaga
þvagmusi flasþvaga skumsi.
Skummusi flasi skrandi
Skumflasi musi þvaga.

Hmm.. þetta er kannski ekki nógu þjált í framburði.
Kannski betra að bíða með að gefa út ljóðabók. En ég veit þó hvað skumflasi, musi, þvaga og skrandi er!!!

Afmælisdagaveður

2006-06-20T03:11:00.000-07:00

Frá því að ég var lítið dýr hefur nánast undantekningarlaust verið hræðilegt óveður og torfærur gegnum snjóskafla og hvirfilbyli á famælisdaginn minn! Iðulega var ófært í afmælið mitt vegna fjúkandi þakplatna og veltandi bíla og eftir sat ég með sárt ennið, rautt trýni og tárin lekandi niður kinnarnar.

Man sérstaklega eftir einu skipti þegar búið var að gera allt klárt fyrir afmælið mitt. Kökurnar komnar á borðið, allt skrautið út um allt og ég í ofur fínum afmælisfötum ... með kórónu! Ójá! Ég átti heima á 2 hæð í Hrísmóarblokkinni minni og fram hjá glugganum fauk planki, eins og laufblað. Afmælið var löngu byrjað og enginn mættur. Nokkrir búnir að afskrá sig af kökulistanum og fá endurgreitt fyrir gjafirnar þegar allt í einu valt inn um dyrnar afmælisgestur. Sá hinn sami hafði fokið á húsvegginn og svo óstjórnlega út í garð. Eins og runnarnir í kúrekamyndunum. Hann byrjaði að gráta mikið og vildi sárlega komast heim til sín. Eftir sátu tveir litlir grátandi skumflasar.. Einn sem vildi komast heim og annar sem vildi ekki að hinn færi!

Að sögn foreldra og aðstandenda átti að hafa verið ófært á spítalann daginn sem ég fæddist. Fólk óð snjó upp í nös og þurfti að fara í afþýðingu þegar inn á spítalann var komið. Mér sýnist nú samt á þessu fína korti að þetta hafi bara ekkert verið svo slæmt! Ég gruna veðurfréttamenn um græsku.. alltaf að svíkja undan veðri!

Ef þið viljið sjá hvernig viðraði daginn sem þið fæddust klikkið hjör!
Ótrúlega hamingja að rekja afmælisdagaveðrin sín!

Súmfí

2006-06-07T05:36:00.000-07:00

Svo mikið sem maður ætlar alltaf að gera en gerir kannski ekki... lofar upp í ermina á sér (af hverju ætli maður lofi þangað?) og stendur svo bara við 1/3. En ég skal amk standa við þetta hér fyrir neðan! Langar líka í fallhlífastökk og synda með höfrungum....

- Það er voða gaman í nýju vinnunni minni. (tékk)
- Ég er byrjuð hjá einkó... engin miskunn og titrandi líkamspartar! (tékk)
- Ég er að fara að panta mér tíma í magadans.
- Ég er búin að fara á Hornafjörð. (tékk)
- Ég er að fara til eyja næstu helgi. (tékk)
- Ég er að fara að kaupa mér kort í Nautilus svo ég fái frítt í sund (samt ekki bara... líka tæki)
- Ég er búin að fara á amk 2 ágætis djömm síðan skólinn kláraðist. (tékk)
- Ég ætla að fara í nudd í þarnæstu viku.
- Ég ætla að fara í rafting í júlí. (tékk)
- Ég er að fara til Spánar í enda júlí. (tékk)
- Ég ætla að fara í nokkrar sumarbústaðaferðir í sumar. (tékk)
- Ég ætla að ferðast hellings í sumar... þó það sé bara hérna innanlands!
- Ég ætla... að halda áfram að vinna! (double tékk)

UPDATE

- Ég ætla að borða steik með Degi í sumar af því að ég missti af afmælinu hans! (tékk)

Á hjóli skemmti ég mér trallallala.. la lallalala!!

2006-05-21T11:22:00.000-07:00

Held það sé alveg klárt mál að ungfrú Elín hafi ekki hjólað í mörg mörg... mörg mörg ár.
Í enda veturs ákváðum ég og minn einfaldi hugur að verða ofurElín í sumar og hjóla á hverjum degi í vinnuna. Það eru rúm 7 ár síðan ég hjólaði eitthvað af viti og í minningunni er þetta bara að ýta niður með hægri, svo með vinstri, svo renna.. ýta aftur niður með hægri.. skipta um gír og með þessum hætti kæmist ég hvert á land sem er.
Fyrir 20 mínútum fór ég til ömmu minnar að fá lánað hjólið hennar, þar sem hún notar það ekki mikið, svo ég gæti byrjað þetta svakalega sumar með trompi. Dekkin voru eilítið loftlaus svo ég ákvað að best væri að byrja að hjóla uppá bensínstöð til að pumpa í dekkin... ó hversu lítið ég vissi þá! Fyrstu petölin voru eins og hvarf aftur í tímann, þegar ég var yngri og gat farið hvert sem ég vildi á hjólinu mínu.. uppá fjöll og niður aftur. Þessi voðalega fíni hjóla-æsku-afturhvarfs-glans var fljótur að hverfa þegar ég þurfti að ýta mínum feita rassi upp oggulita brekku! Þegar ég loks komst uppá bensínstöð voru svitaperlurnar farnar að leka niður ennið, ég slefandi, rangeyg og másandi, blótandi sjálfri mér í hljóði að hafa verið að minnast á það við fólk að ég ætlaði einungis að nota hjól í sumar til að komast allra minna ferða!
Þetta var svo miklu auðveldara þegar ég var lítil!! Nema ég sé orðin svona voðaleg hlussa og gamalmenni að geta ekki hjólað smá spotta án þess að fá kökk í hálsinn og titrandi þreytt læri!
Ég lít á þetta sem áskorun... þegar þessu sumri líkur ætla ég aftur að vera komin með æsku-hjóla-fiðringinn í magann og svífa um götur Garðabæjar eins og fiðrildi!!! FIÐRILDI SEGI ÉG!!!

Þó svo ég haldi kannski þessari hjólaiðkun minni áfram núna í sumar held ég að ég haldi mig bara við bifhjól í náinni framtíð. Öll farartæki þar sem ég og mín læri eru ekki mótorinn eru vel þegin.

Svo væri ég líka svo kúl á svona gulu hjóli sem heyrist í .... wwwwwwoooooOOOOOOOOOOOM!!!! Allavega meira kúl en más og fruss!

Sumarfrí

2006-05-13T09:32:00.000-07:00

Núna er skólinn búinn og hið langþráða sumarfrí gengið í garð! Ahhhh hvað það er gott!
Ég elska elska eeelska sumar og sumarfrí og það sem maður tekur sér fyrir hendur í slíkum fríum! Í sumar ætla ég að gera allt í heiminum... fara í magadans og rafting og til útlanda og í útilegur og í marga góða göngutúra og á hestbak og borða mikið af ís og fara í sumarbústað og sitja úti á svölum í langan tíma á góðum sumarkvöldum og liggja í grasi og fara á trampolínið í Húsafelli og.....!

Í gær var svo ótrúlega skemmtilegt og hressandi skólalokadjamm og í kvöld verður ofur-afmælisveisla hjá Ernu sem inniheldur ógeðslega feitan og yndislegan eftirrétt!
Á morgun ætla ég að slappa almennilega af og gera ekki rass í bala!!!

Æhhhjj hvað lífið er eitthvað gott ákkúrat þessa stundina.. :)

Firefly

2006-05-03T07:23:00.000-07:00

Fyrir rúmri viku byrjaði ég að horfa á þætti sem heita Firefly. Þetta eru þættir um kúrekageimfara!! *dúmm dúmm*
Ég veit það hljómar kjánalega og treystið mér, fyrstu tveir þættirnir eru ekkert til að hrópa húrra yfir! Geimfarar í kúrekafötum með ryðgaðar byssur! Og þetta er ekki geimveru geim-þáttur. Svo ef þið ákveðið að horfa líka þá skuluð þið ekki hætta eftir þá tvo. Því ótrúlegt en satt, þá festast þessir þættir á manni eins og exemex. Persónurnar í þeim eru líka ótrúlega fyndnar og asnalegar og segja fyndna og asnalega hluti. Í uppáhaldi hjá mér ákkúrat núna er"Jayne Cobb" sem er dökkhærði kallinn á myndinni, lengst til vinstri. Ótrúlega siðblindur og vitlaus gaur eitthvað. Eins og pirraður orkur allan daginn.. Kemur alltaf með fyndin comment og er bara heimskur almennt! Æji, þið verðið bara að sjá sjálf...

Fóru einungis 9 þættir, minnir mig, í sýningar áður en Fox ákvað að leggja þá niður. Sem er enn verra fyrir repútasjónið.. en þeir eru samt skemmtilegir!!
Í þessum þáttum varð ég einmitt vitni að einu fyndndasta óvelferðar quote-i í heiminum.
Alltaf þegar ég verð reið út í ykkur mun ég óska ykkur þessa:

"...I wish you hundreds of fat children!".

Og hafiði það! Þið yrðuð útötuð í hundruðum feitra barna! Ég sé þetta svo ljóslifandi fyrir mér!

Hún á afmæli í daaaag...

2006-04-29T11:03:00.000-07:00

Í dag á rassgatið mitt hún Erna afmæli. Gamla geitin! Við erum orðnar hálf 44!
Til lukku með daginn Lois mín! :D

Það er ótrúlegt hvað ég er oðin háð Páskaöli og ís með lúxusdífu! Ég er líka með rispur á bringunni sem komu allt í einu áðan.. verí spúkí. Það er einhver skrattakollur í mér!

Afmæli í dag.. afmæli í dag... afmæli afmææliiii.... afmæli í daaaaaaaag!

Statustékk

2006-04-24T14:07:00.000-07:00

-Það er svo stutt í sumarið að ég finn lyktina af því... og sumralykt er góð lykt!
-Ég er líka búin í prófunum og er að byrja í verkefninu mínu.
-Svo er ég líka búin að komast að því, þó það sé ótrúlega bannað á þessum árstíma.. að Páskaöl og appelsín (aka Jólamalt og appelsín - > Malt/appelsín) er í uppáhaldi hjá mér ákkúrat núna! Þó það sé bara á jólunum og hálf dónalegt að drekka það á þessum tímapunkti... en samt ekki því það hættir ekkert að snjóa!! Svo ég er svosum alveg í rétti!
-Svo eru komnar 6 villiplöntur.... MAHAHAHA! >:D
-Síðan var ég að búa til myndablogg. Þar sem ég get dælt inn allskonar myndum úr símanum mínum! Ég sé frammá að það eigi eftir að vera notað mikið þar sem ég er ekki bloggfrömuður þessa lands!

Æhhj hvað það verður samt gott að fá sumarið og komast í nýju vinnuna mína! Fiðrildi, sólskin og kettlingar!

Læruskammtar

2006-04-18T13:15:00.000-07:00

Yöhöss.. ég er búin að gera læruskammtinn minn í dag! Ég gæti alveg unnið á læruskammt morgundagsins.. bara fyrir sjálfa mig, svo ég þurfi ekki að gera jafn mikið á morgun. Svo prógrammið sem ég er búin að búa til handa sjálfri mér verði ekki jafn stíft. Svo ég get nú létt undir og lært meira og upprifjað meira á morgun og hinn! Svo ég geti verið ógeðslega dugleg og skipulögð og fengið ótrúlega hátt á prófinu sem ég er að fara í á föstudaginn!

En þar sem ég er haldin sjálfspíningarhvöt, masokisti í eðli mínu og skapa sjálfri mér iðulega hálfgert læruvíti þegar ég hef nægan tíma til lærdóms.. ætla ég að gera eitthvað sem er miklu skemmtilegra!

Ég ætla að fara í sund!! >:D

Hugsanalestur

2006-04-07T02:15:00.000-07:00

Á netinu fann ég vél/forrit sem átti að geta lesið hugsanir. Ég hugsaði mér fíl.. stórir, krumpaðir, gráir með rana!
Ég er ekki viss um að þessi fína vél hafi verið að virka rétt.. eða hvað?

Staðreyndir

2006-04-03T07:38:00.000-07:00

* Það er alveg sama hvort það sé frí, skóli, vinna eða eitthvað annað. Það er alltaf, ég endurtek, alltaf gott þegar það er kominn föstudagur!

* Ef þú ert með lúku fulla af klinki og þér verður á að missa eitt klinkið (eitt klink = einn peningur) þá er það ávallt gullpeningur af einhverju tagi.

* Það skiptir engu máli hversu lítið þú reynir að fá þér af Royal súkkulaðibúðing, það mun alltaf vera of mikið. Það mun alltaf og ævinlega vera eitthvað eftir í skálinni þegar þú hefur gefist upp á átinu.

* Sú innsláttarvilla, að segjast vera "...8000 klónum fátækari!" en meina 8000 krónum, er ógeðslega fyndin og það er ekki hægt annað en að hlæja að henni.. amk flissa!

* Samtals hef ég átt 34 ketti. Þar af skírðum við 22:
Skrúbbur, Cleo, Búbba, Tóta, Potti, Mía, Mjallhvít, TwoFace, Dorrit, Skytturnar 3, Griffill, Lilli Au, Malur, Skræfa, Dúi, Keli, Tumi, Fjósa, Mosi og svo Mongi.

* Rafting er æðislegt.

* Kommentakerfið hennar Ernu hataði mig.

* Ef veðrið er gott, eru nokkuð miklar líkur á því að þú þurfir að sitja inni í próflestri.

* Það er gott veður úti!

* Já... prófin eru byrjuð og sit inni í próflestri!

Alltaf að færa í búið..

2006-03-18T08:55:00.000-08:00

Jáff, ég lofaði að setja inn mynd af þýfinu þeirra Monga og Mosa og hér kemur hún!
nb: þetta er ekki uppstillt. Það fyrsta sem þeir gerðu þegar þeir sáu dótið var að leggjast á stuttbuxurnar.

Þýfi:

* litlar rauðar stuttbuxur
* lítill hreinn sokkur (með hreinulykt og allt)
* ógeðslegur uppþvottahanski
* ýmisskonar bönd, misvel á sig komin
* tuska með olíulykt
* 5 vettlingar. 1 par af lopavetlingum, sama sort, með 2ja daga millibili. Annar töluvert skítugri en hinn.
* hálsól af, held ég, ketti.
* röndótt strokleður
* íluspíta, blár skítugur leikfangatrommukjuði úr plasti, spöng af gleraugum.
* hvít gerviblóm (svo áttum við eitt gult, þeir fóru með það út)
* litrík mynd, teiknuð af barni býst ég við.
* miði til hjálpar börnum í Pakista.

Svona eru kisurnar mínar nú duglegar að færa okkur hluti. Ég vildi óska að við hefðum ekki hent út haugnum sem var búinn að safnast upp fyrir jól. Við getum kannski gefið rauða krossinum eitthvað af því sem þeir koma með hingað inn!! Eða farið alveg öfugt að þessu og kennt þeim að ræna peningum og verðmætum skartgripum.

It's alive... IT'S ALIVE!!!

2006-03-07T07:09:00.000-08:00

Jólagjafirnar í ár voru af ýmsum toga! Þar á meðal fékk ég pakka sem innihélt búnað til að búa til mínar eigin kjötætuplöntur. Ójá.....KJÖTÆTUPLÖNTUR!

Strax eftir jólin sáði ég fínu fræjunum mínum í þar til gerða gróðurmold í afskaplega hátæknivæddu "growing dome-i" sem er átthyrnt og í laginu eins og gimsteinn. Til þess að carnivorurnar mínar yrðu nú ekki leiðar fylgdu með "3 bog buddies", sem eru tvær litlar eðlur og einn ormur, sem liggja á mjög vel völdum stöðum í dome-inu. Til að fullkomna meistaraverkið sáði ég yfir moldina bláum "swamp-rocks" til að gefa þessu náttúrulegan blæ. Svo var bara að bíða og vona í 8 - 10 vikur eftir því að eitthvað sniðugt færi að gerast og viti menn!! My baby!!

SJÁIÐI BARA... my evil plant! Það geislar alveg af henni illska og ógleði.

Ég verð án efa einn farsælasti kjtötætuplöntuframleiðandi Íslands.. ég gef þessu svona 4 - 6 ár og verð komin með mitt eigið kjötætuplöntu fyrirtæki! Ég mun rækta hræðilegustu og grimmustu kjötætuplöntur sem sögur fara af!

Þetta er bara byrjunin. Þessi hræðilega planta sem er byrjuð að myndast á eftir að stækka og ég verð farin að fóðra hana með nautahakki í sumar, kótilettum og partýpylsum.
Gæti jafnvel hrætt mormóna og póstkarla í burtu með þeim!

Be afraid... be very afraid!!

11.02.2006

2006-02-11T03:49:00.000-08:00

Til hamingju elsku Dossan mín og Valdinn minn!!

Jáhá, nýjasti fjölskyldumeðlimurinn er mættur á svæðið. Ég er svo ótrúlega ánægð fyrir ykkar hönd og get ekki beðið eftir því að sjá kúlu litlu.
Ég er nú samt búin að fá smá forskot á sæluna og ætla að setja inn þessar 2 ofursætu myndir af henni!! Ef þetta er ekki sætasta kúla í heimi þá veit ég ekki hvað!

Hún er 15 merkur og 53 sentimetrar og á afmæli í febrúar.. sem er auðvitað flottasti mánuður ársins! Svo á hún líka bestu foreldra í heimi held ég. Þetta er án efa með heppnari kúlum.. svo á hún líka svo æðislega frænku sko.. hoho!

Til lukku með þetta aftur, nú verðið þið bara að drífa ykkur heim svo ég geti farið að knúsa hana svolítið :D
Ohhh hvað hún er sæt!

Bara fyrir Dossuna og illfyglið... jú og Valdann!

2006-02-10T10:58:00.000-08:00

Það er nú sjaldan sem ég tek þátt í klukki og slíkum æfingum. En ég geri undantekningu í þetta skiptið því Dossan mín er komin uppá spítala.. sko útaf kúlu :D og hún klukkti mig.. here I go!

Fernt sem að ég hef unnið við

Gjaldkeri í banka
American Style ((hrollur))
Vaktstjóri í 11/11 (já há)
Var á kassa í Nettó ((meiri hrollur))

Fjórar bíómyndir sem að ég gæti horft á aftur og aftur

Forrest Gump
Princess Bride
Allar LOTR myndirnar
Big fish (eru samt svo margar)

Fjórir sjónvarpsþættir sem mér finnast skemmtilegir

Scrubs
Arrested Development/ little Britain
Family guy/American Dad
Friends eru alltaf góðir

Fjórar bækur sem ég gæti lesið aftur og aftur

Bróðir minn ljónshjarta
Lord of the rings/hobbit
Harry potter
Dolores Claybourne

Fjórir staðir sem ég hef búið á

Móaflöt 47
Hrísmóar 8
Ásbúð 85
Veit ekki ennþá.. en það verður flet!

Fjórir staðir sem ég hef heimsótt í fríum

Danmörk
England
Spánn/Mallorca
Ameríka

Fjórar síður sem ég fer daglega inn á

Fernt matarkynst sem ég held upp á

kjúklingur, jájájá
Kínamatur og hrísgrjón
beyglur/ís/núðlur
nóa kropp og fylltar appololakkrísreimar

Fjórir staðir sem ég vildi heldur vera á núna:

Í sumarbústað með heitum pott.. eða í nuddi
Þar sem mikið er af norðurljósum
Frakklandi á vínekrunni minni
Perú

Núna á ég víst að klukka einhverja 4 en ég held ég ætli bara að sleppa því!
Litla kúlan er að koma í heiminn og ég hef ekki tíma til að dúlla mér hérna.. ég er alltof stressuð yfir þessu! Ég veit alveg að ég á eftir að sjá hana mjög oft í framtíðinni.. en ég get bara ekki beðið eftir því að fá að skoða hana pínkulítið :D

Góðar tilfinningar..

2006-01-28T09:51:00.000-08:00

-sumar
-fjölskyldan mín
-vinirnir mínir
-froðubað
-bros
-heitt kakó þegar það er snjór
-góður matur
-uppáhalds veitingastaðir
-búa sér til flet
-kertaljós
-þegar verkefni klárast
-uppáhalds tónlistin mín
-kaffihús
-að kúra
-hlæja þangað til það verkjar
-útilegur og skemmtileg djömm
-ferðalög
-gott veður
-ógleymanlegar helgar
-þykja vænt um einhvern
-vera væntumþóttur
-kúlubúinn (illfyglið)
-kisurnar mínar
-þegar flugvélar taka af stað og þegar þær lenda
-gjafir
-wicked Paulsen ;D
-hamasteins, stomp, dishwasha, finmus
-norðurljós
-ná að laga villu í forriti
-bíó nachos
-fallegt útsýni/landslag/myndir....
-að losa bíl þegar hann er fastur í snjó
-teiknimyndir
-góðar myndir (..bífómyndir)
-jólarúntur
-heitur pottur... bláa lónið jafnvel
-tivoli

.
.
.

... ahh, og svo framvegis!

Skóli á morgun

2006-01-08T14:26:00.000-08:00

Nú er jólafríið góða búið.. og ég voðalega ánægð með árangurinn! Þetta var í alla staði ótrúlega ljúft frí, enda er ég endurnærð og afskaplega vel út sofin! Ójá!
Mikið spilað, rúntað, bíóast, borðað, vídjóast, vinast og kúrt.. afslöppun alveg í hámarki.
Verður án efa mikil tilbreyting að þurfa að fara að hugsa eitthvað aftur og reyna á heilann.. hann sem er búinn að hafa það svo notalegt!

Mér til mikillar ánægju og gleði var ég að spila fyrstu skákina mína í kvöld. Ég tapaði mjög fagmannlega en græddi samt sem áður heitt kakó og góðan félagsskap. Og auðvitað tileinkaði ég mér alla siði mótspilara míns... ég verð ósigrandi héðanaf!

Gleðilegt nýtt ár öllsömul, þó seint sé og gangi ykkur vel að skólast!

Jól í hausinn á ykkur!

2005-12-24T08:00:00.000-08:00

Gleðileg jól mín kæru!
Takk fyrir öll gömlu jólin!

Það er svo sniðugt að vera með svart blogg. Þá sést allur hvíti ramminn á myndinni.....

Dulketti

2005-12-17T10:20:00.000-08:00

Síðasta vetur eignaðist ég lítinn og sætan kettling. Ég hef reyndar átt marga ketti, eins og ó svo margir vita.. en þessi vitleysingur er alveg af fínustu sort. Án efa matsárasti köttur á Íslandi og heigull fyrir amk 10 ketti. Enda nefndi pabbi hann Monga af augljósum ástæðum. Þetta síður fallega nafn hefur því miður fests við hann þó ég vilji heldur kalla hann Krilla.

Núna er þessi litli vitlausi kettlingur orðinn stór og feitur köttur, alveg jafn matsár þó sérstaklega í kringum aðra ketti að sjálfsögðu. Hann hætti að urra á okkur þegar við vorum að gefa honum fisk og eitthvað álíka góðmeti þegar hann var 6 mánaða. Urraði mjög ógnandi á okkur og kom svo eftir máltíðina og lét klappa sér pínkulítið. Svar ætíð í andlitinu á manni og átti það til að sleikja uppí nasirnar ef honum leið voðalega vel. Hefur látið af því núna okkur til mikils léttis. Hann vill ekki vera einn, svo mikið er víst. Ef við liggjum öll uppí sófa kemur hann ávalt og leggst okkur til samlætis, skiptir um fólk eins og nærbuxur eftir því hver klappar best og mest.
Þegar kvöldmatur er situr hann ævinlega og glápir á mann með sínum feita hamstrahaus þangað til einhver lætur undan og gefur honum bita. Skiptir litlu af hverju bitinn er.. kartöflu, káli, kjöti, eggi..... súkkulaði, hnetu, svo lengi sem hann fær að vera með og borða það sem við erum að borða.
Hann var orðinn svolítið dulegur við að koma inn með fugla, sem féll ekki vel í kramið hjá heimilisfólki, en hefur, að okkur vitandi (..einmitt), látið af þeirri iðju og er frekar farinn að bera inn allskonar drasl. Hann kom fyrst inn með greinar og laufblöð. Óteljandi latexhanska (mjög æskilegt og hentugt) og plastdraslerí sem hann fann. Umbúðir utanaf kínamat og svona mætti lengi telja. Núna hefur hann skipt yfir í eitthvað sem krefst meiri þrautsegju og er án efa miklu meira spennandi. Hann kemur inn með hluti.. sokka, gleraugu, armbönd. Kom inn um daginn með gerviblóm og einhvern loðinn bláan bolta. Sokkurinn var td tandurhreinn og þurr. Hann hlýtur þar af leiðandi að fara inn til fólks og ræna því sem hægt er að bera og koma inn um fínu kattalúguna okkar. Svo rænir hann líka frá okkur. Stal td einum eyrnalokk frá mömmu og var komin hálfa leiðina út með gleraugun hennar um daginn. Reyndi líka að fela pennaveskið mitt undir rúmi.
Tækifæris- og þjófketti með meiru.

Þetta er líka eini kötturinn sem ég hef séð og vitað um sem getur annaðhvort vaknað úr djúpsvefni og samstundið farið að leika sér og veiða eða verið eins ógeðslega úldinn og hægt er í framan. Annað augað lokað og munnurinn opinn, með krumpufar í kinnunum og allur hálf skjálfandi.
Hann er líka með athyglissýki á háu stigi og ef hann fær ekki þá athygli sem honum finnst hann verðskulda, reddar hann því bara sjálfur. Leggst ofan á viðkomandi, yfir bækurnar eða þar sem hann sér hendur í klapp-færi.

Vá, þetta átti nú reyndar bara að vera færsla um alla skrítnu hlutina sem hann hefur verið að bera hingað inn!! Er ekki einusinni með mynd af dótinu því mamma henti flestöllu um daginn. Ahh jæja, hlýtur að hafa verið undirmeðvitundin að reyna að bægja mér frá próflestri.. nú er ég hætt og farin að reikna meira! Þetta var nú gleðilegt!!

Evil Giraffe

2005-12-03T04:59:00.000-08:00

Aðventunámskeiðið er komið á fullt span. Lítur þokkalega vel út.. amk það sem búið er af því. Kennarinn okkar "Jim" er ótrúlega hress og skemmtilegur kall. Doctor í þokkabót. Ofboðslega klár og nær alveg þessu enska-fótboltabullu "looki". Appelsínugulir sokkar og Mikka-mús peysa.

Nú eru bara 2 vikur eftir af þeirri hamingju.. og hvað gerist svo?
(sá sem getur rétt ... fær smákökur)

Skrapp svo aðeins í vísindaferð í gær. Flugkerfi. Þar vorum við þrædd gegnum aðstöðuna og frædd (frædd og þrædd) um þetta fína fyrirtæki. Þarna er fólk sent út um víðan völl til að setja upp kerfi (ha.. flugkerfi!), þar á meðal til Afríku. Nokkuð dularfullt átti sér stað í einni ferðinni eins og maðurinn sagði ".. í þeirri ferð voru tveir hvítir étnir!" Það fylgdi ekki sögunni hvað þessir hvítu voru eða hvort það hefðu verið mannætur sem átu þá, ljón eða gíraffar. Við vitum nú öll hversu vondir gíraffar geta verið ;)

Hver segir svo að það sé ekkert spennandi og ævintýralegt að vera í tölvu-nörda-geiranum!

AHHHHH.....

2005-11-24T05:13:00.000-08:00

Prófin eru búin!!! BÚIN SEGI ÉG!!
Ég er hérmeð frjáls í viku.. þeir sem vilja tala við mig til þess eins að heyra gleði og hamingju, eins og Erna ;)... ahhh, prófin eru búin!

:D

Allt til að losna við lærdóm ..

2005-11-16T06:29:00.000-08:00

Jæja, gerið upp hug ykkar.. fel þetta mál alfarið í ykkar hendur!

MyBlog eða blogspot hið svarta með bleika blóminu?

Hafið til 23. nóv til að ákveða ykkur! Stýrikerfi, here I come!

Djöfull eru próf æðisleg!!

2005-11-15T04:10:00.000-08:00

Mitt fyrsta próf er yfirstaðið. Ótrúlegt hvað tíminn er fljótur að líða, það eru jólapróf hjá mér núna og ein önn í viðbót að klárast!! Gekk samt ofboðslega vel í morgun sem er einstaklega gleðileg fyrstaprófstilraun! Merkilegt nokk samt að þegar ég var í skólanum gat ég ekki beðið eftir því að komast heim og geta bara lært fyrir próf... núna eru prófin komin og ég vil komast í verkefnið sem fyrst.. ætli ég deyi ekki bara í þessu blessaða verkefni?
Get samt ekki beðið þar til 23. þegar prófin klárast. Fæ ég 5 daga frí í leti og svefn.. ætla mér að nýta það vel og byggja upp mikið af orku og nammiforða fyrir 3 vikna aðventunámskeiðið mitt.
Og svo koma blessuð jólin!

Já.. ég blótaði í titlinum!!

.* is my name

2005-10-27T10:28:00.000-07:00

Sá sniðugt próf á síðunni hjá Jakobar og ákvað að taka það.

Which File Extension are You?

Allir að taka tölvunördaprófið!! Jíííhaaa

I´m the happiest christmas tree, hohoho hihihi!

2005-10-17T06:04:00.000-07:00

Ég hlakka svo til jólanna, ég hlakka svo til jólanna, ég hlakka svo til jólanna!

Þetta er næstum því vandamál. Ég var farin að raula jólalög í ágúst, ég er löngu byrjuð að hlusta á slík.. og ég hef óstöðvandi löngun til að baka smákökur!

Guð ég get ekki beðið... fer heim á eftir undir teppi með kakó og horfi á teiknimyndir! Hver vill vera memm??

Ferðalög ... ferðalög!

2005-10-09T13:46:00.000-07:00

Já, ég er búin að bæta við myndasíðuna mína æðisgengnu. Held að myndasíða á sama skala og í sömu gæðum eins og mín sé vandfundin. *hóst*
Setti inn myndir frá Boston og Spáni. Ég bið skoðendur vinsamlegast um að leiða hjá sér mismunandi stig þreytu og bruna!

Meðal efnis er finnst á myndunum eru mikil sólböð og strandaferðir ástamt stórum hrúgum af fötum, dvd og háhýsum. Nokkur tré og blóm þess á milli... jú og pöddur. (ekki spyrja)

Úti á Spáni fann ég Tímon og Púmba pöddu. Þessa sem er eins og nashyrningur. Í Boston smakkaði ég sterkasta mat sem sögur fara af. Ég hef sjaldan eða aldrei tárast yfir mat en í þetta skipti grét ég og varð rauð á eyrunum! Nokkuð magnað..

Ég er farin að reyna að koma skikkjufélaginu mínu á fót. Pant vera með bláa skikkju með bleikum blómum!

Bindislaus í ræðustól Alþingis

2005-10-06T06:15:00.000-07:00

Þvílík skömm.. þvílíkur dónaskapur! Skammastu þín Hlynur Hallsson!
Ég hef og mun aldrei verða pólitíkus. Ég held meira að segja að það vanti í mig öll þau pólitíkusagen sem gætu mögulega vakið áhuga minn á þessum málum. En hinsvegar þá las ég frétt á textavarpinu um daginn sem kom mér til að hlæja. Hinn óforskammaði Hlynur Hallson mætti bindislaus í ræðustól Alþingis! Í fréttinni segir að "reynt hafi verið að koma bindinu á manninn en án árangurs"! Hlynur segist sjálfur aldrei ganga með bindi og bæri meiri virðingu fyrir Alþingi sem ekki þröngvaði þingmönnum til að vera með bindi og með það slapp hann.

HAHA, að koma bindinu á manninn. Ég sé þetta alveg fyrir mér. Sex alþingismenn halda aumingja Hlyni niðri og reyna að setja á hann bindi á meðan Hlynur æpir, skrækir og berst um eins og smákrakki "NEI, ÉG VIL EKKI BINDI"! (sagt með frekjulegri röddu). Síðasta setningin er líka svo flott. "...og með það slapp hann"!. Eins og hann hafi sloppið við dauðarefsingu eða göngu niður Laugarveginn á þvengnum einum.

HAHAHA.. ég græt úr gleði! Já, Alþingismenn geta verið miklir prakkarar og ég efast ekki um að Hlynur hafi verið vandræðaunglingur og mikill rebell á yngri árum.

Hægt að lesa fréttina hér.

Ákvarðanir!

2005-09-28T15:13:00.000-07:00

Það er svo margt skrítið í lífinu sem ekki er hægt að sjá fyrir. Það eru svo margar leiðir sem hægt er að velja. Ég vil oft líkja þessum valkostum sem umlykja okkur dags daglega við tré. Greinarnar eru þær leiðir sem hægt er að taka hverju sinni, eftir hverja mikilvæga ákvörðun. (næstum eins og líkindatré í stæ, svo skemmtilegt) Hver einasta beygja sem tekin er, hvert einasta skref og hver einasta mínúta skiptir máli.
Ég hef gert mitt besta í lífinu til að vera heiðarleg manneskja og samvkæm sjálfri mér. Ég vil helst aldrei, ef ég mögulega kemst hjá því, valda fólki hugarangri eða vanlíðan. Tilhugsunin um það eitt veldur mikilli kvöl og pínu og því best bara að sleppa því alfarið. Þrátt fyrir það geta greinarnar sem við veljum okkur ollið miklum sárindum í garð manneskja sem okkur þykir vænt um. Það er ekki af vilja gert og oftar en ekki gert með trega, því það er ef til vill eina leiðin til að halda sjálfum sér á réttri braut. Það er gott að hugsa um aðra og sjá til þess að fólki líði vel í kringum sig, en stundum fer það út í öfgar og þá er eina leiðin að bakka og láta sig hverfa. Bara til þess eins að ná aftur taki á því sem lífið hefur uppá að bjóða. Þó hægt sé að byrgja inni marga kvilla koma þeir alltaf í ljós á endanum og gera vart við sig.
Við munum og eigum endalaust eftir að vera veljandi og hugsandi um þá möguleika sem liggja fyrir hverju sinni. Hvað hefði skeð ef ég hefði ekki gert þetta og hitt. Sumir vilja meina að það sé bara ein möguleg leið í hvert skipti og sú leið sem orðið hafi fyrir valinu séu okkar örlög. Við munum oft á okkar lífsferli taka kolrangar beygjur og fara aðeins of seint af stað. Stundum er hægt að breyta slæmum ákvörðunum í góðar og stundum eru vondu beygjurnar ein heljarstór mistök sem krefjast þá enn einnar ákvörðunarinnar. Hvort sú ákvörðun reynist rétt kemur í ljós með tíð og tíma. Ég hef það fyrir markmið að fylgja alltaf hjartanu, eðlishvötinni og þeirri rökhuksun sem mér var gefin til að reyna að velja alltaf sem réttast og best. Að vera trú mínum skoðunum og sjá til þess að valinu fylgi engir vondir fylgifiskar (vondu vondu fylgifiskar). Ég er afskaplega mikill pælari þegar kemur að stórum ákvörðunum og oftar en ekki hugsa ég langt fram í tímann áður en ég framkvæmi. Ég forðast allar uppákomur eins og eldinn. Ég get valið svo og svo margar greinar og þær leiða mig á margar mismunandi endastöðvar. Allar þessar hugmyndir ber ég svo undir gott og traust fólk og sé að hvaða niðurstöðu þau gætu komist. En á endanum er það bara ég sem get valið og hafnað. Ég hef tekið margar slæmar og margar góðar ákvarðanir um ævina. Stundum vill maður vel, telur sig hafa tekið góða og skynsama ákvörðun sem reynist svo koma beinustu leið í bakið á manni aftur. Svo og öfugt. Þetta er partur af því að vera til og því ekki hægt að gera annað en að taka því sem vera ber, læra af því sem betur hefði mátt fara og minnast þess sem vel fór. Hrósa fólki sem manni er kært og ávallt vera maður sjálfur. Koma jafn vel fram við kunnuga sem ókunnuga eins og þér fyndist að koma ætti fram við þig. (það er súperfín setning)
Þó sumir gætu haldið að þeir væru einir í þessari miklu ákvörðunartökubaráttu er stundum gott að líta í kringum sig og sjá alla sem eru tilbúnir að styðja og halda við bakið á manni. Ég á æðislegustu fjölskyldu í heimi, bestu vini sem óskast getur, er í frábærum bekk og þekki fullt af meiriháttar fólki. Þar af leiðandi tel ég mig vera heppnustu Elínu í Ásbúðinni sem stendur.

Góða nótt mín kæru, þarf að fara og ákveða eitthvað!

Klukk!

2005-09-27T11:37:00.000-07:00

Ég veit nú ekkert hvaðan þessi leikur kom eða hvar hann byrjaði. Ég vissi ekkert út á hvað hann gekk fyrr en í dag. Býst nokkurnvegin við því að ég þurfi að skrifa 5 frábærar staðreyndir um sjálfa mig svo ég læt bara vaða.

1.
Ég hef óendanlega ótrúlega óstöðvandi mikla löngun til að ferðast. Ef ég mætti ráða myndi ég ferðast um allan heim, skoða og sjá nýja hluti. Eyða miklum tíma í þessi ferðalög mín og njóta þess til hins ýtrasta að fá að gera það sem ég vil. David Attenborough stal t.d. draumastarfinu mínu!!!

2.
Ég er mjög heilluð af geimnum, öllu því óendanlega rými sem hann tekur og því sem lifir og hrærist í honum. Ég get endalaust velt mér uppúr þeim staðreindum sem til eru um þetta fyrirbæri, hvort sem þær eru sannar eða ekki og reynt að átta mig á því sem er þarna úti. Ég vil fara út í geim!!!

3.
Ég hef samanlagt átt, hugsað um og fætt 31 kött síðastliðin 4 ár. Af öllum þessum krillum tók ég að mér 3. Og mér þótti alveg jafn vænt um þær allar.

4.
Ég elska norðurljós. Þegar ég sé norðurljós vil ég að allir vinir mínir og allir fjölskyldumeðlmir séu með mér svo þau sjái líka. Finnast þau ofboðslega falleg.

5.
Ég er y blind. Ég set y allstaðar þar sem það ætti ekki að vera og þar sem það á að vera, set ég einfalt i.

Þetta var nú gaman.. veit ekki hvern ég ætla að klukka. Kemur allt í ljós með tíð og tíma, ef ég klukka einhvern það er. Held nú samt ég fari að gera stæ svo það sé búið :P

Yellow Boohbah Dancing Humbah

2005-09-09T12:21:00.000-07:00

Ég er að fara til Boston 20. - 24. sept því:

1) Dossa og Valdi eru að fara og ég fer til þeirra
2) Ég get farið og þessvegna fer ég
3) Ég hef aldrei farið til fitubollanna þarna úti og ég er forvitin og vill sjá
4) Ég get keypt þessi dýr

BOSTON BEIBÍ....

BUMBUBÚI !!!

2005-08-30T10:57:00.000-07:00

Það er kominn nýr linkur á síðuna mína!!!!!
Dossa frænka mín og Valdi næstum því frændi minn ( en ekki alveg samt, því það væri eiginlega bara krípí... nema hann væri frændi minn gegnum pappafjölskyldu ) eiga von á litlu BARNI!!! VÍÍÍÍÍ, TIL HAMINGJU MEÐ ÞAÐ!! Mikil gleði þar á bæ. Þau komust að þessu rétt fyrir brúðkaupið sitt, sem var haldið 16. júlí. Sem voru mjög góðar fréttir ofaná allt annað, ég er mjög spennt hérna. Get ekki beðið...

Þannig að nú eru Dossa og Valdi búin að gifta sig, eru að fara að verða MAMMA OG PABBI, og eru að fara til útlandis! Eftir það eru jólin!!! Ahhhh..

...svo á bumbubúinn líka að fæðast 1. febrúar. Sem er bara sniðugt því ég á afmæli 4. febrúar og er nokkuð viss um að fá lítið frændsystkini í afmælisgjöf til að knúsa. Sko þá er ég að meina á afmælisdaginn minn að sjálfsögðu... hohoho

*spenningur*

Good bye, chiao, Auf Wiedersehen, tootleoo (túdledú), ding dong dei...

2005-08-09T13:02:00.000-07:00

Jæja, ég er farin til Spánar *tilhlökkun* og sé ykkur aftur eftir 14 daga. :D

Takk Erna mín fyrir að passa matsára köttinn minn og takk Dossa mín fyrir að vilja lána mér hvíta kjólinn þinn.

Fyrirsögnin er fyrir þá sem hafa séð myndina "Robin hood - men in tights"!

Blindflug....

2005-07-18T17:03:00.000-07:00

Já, ég og Egill gáfum Ernu listflugstíma í afmælisgjöf. Það vakti mikla lukku mér til ánægju. Þetta listflugsferli er búið að taka langan tíma að plana þar sem ekki er alltaf veður til slíkra æfinga. Ég var búin að ákveða að fara núna í júlí og panta tíma en var farin að halda að sólin ætlaði aldrei að láta sjá sig aftur. Bragi Flug góðvinur minn hjá Flugskólanum hefur staðið sig eins og hetja að þola amk 3 símhringingar frá mér á dag til að athuga með veður og vinda, flugfæri og lausar vélar.
Svo í dag (áðan) sótti ég Ernu og henti peysu yfir hausinn á henni, keyrði með hana í allskonar hringi til að rugla áttavitann sem hún geymir í hausnum á sér.. heppnaðist ágætlega því hún hélt að við værum í kringum skip þegar á leiðarenda kom.
Þessi fína ferð endaði svo á bragðaref og miklu handapati frá Ernu og útskýringum um fljótandi skip, Sessnur, timm og stall.... ahhh, ég hef ekki hugmynd um hvað það er en það hljómaði amk skemmtilega að sögn Ernu OG hún fékk að gera þetta alltsaman sjálf!
Hún hefur líka fundið upp "flugtegund", Blindflug. Ss, þegar flugvélin fer í hringi og er að djöflast eitthvað, lokarðu augunum, setur hökuna í bringuna og krumpar þig saman.....
Til hamingju með afmælið Erna.... 29. aprííl og takk Bragi flug fyrir mikla þolinmæði!!!

ps: Ég og Erna fórum líka í kúluna í tívolíinu.... very much the funness!!

Hugsa út fyrir kassann...

2005-07-08T08:45:00.000-07:00

Þegar ég var í 4 bekk í MR hringdi mamma í mig kl 10:30 og spurði hvort ég hefði tekið sjónvarpið með mér í skólann. Ég svaraði því að sjálfsögðu neitandi.. þar sem ég fer mjög sjaldan með sjónvarpið mitt í skólann. Ég sagði henni að hringja í afa og spyrja hann hvort hann hefði fengið það lánað. Nokkrum mínútum síðar hringdi hún aftur og sagði mér að afi hefði ekkert komið nálægt þessu og ekki pabbi heldur. Okkur fannst ferleg frekja að einhver hefði tekið sjónvarpið okkar án þess að segja okkur frá því en vissum samt að það kæmi í leitirnar seinna.

Þegar ég kom heim var sjónvarpið ekki komið svo ég hringdi í Dossu og spurði hana hvort hún vissi hver hefði fengið sjónvarpið lánað.. hún hafði ekki hugmynd um það og neitaði sjálf að hafa tekið það. Það var hringt í ömmu og Svövu frænku og Lögga og enginn vissi neitt um sjónvarpið.

Klukkan var að verða 5 og mamma komin heim. (en ekkert sjónvarp) Enginn enn búinn að hringja og segja okkur að viðkomandi hefði fengið það lánað...

Nokkru síðar tók mamma eftir því að síminn hennar (gsm) var líka hálf horfinn og þegar hún fór inn í herbergi var búið að róta upp öllum skartgripunum hennar.. það var á þeim tímapunkti sem við áttuðum okkur á því að við hefðum verið rænd!!

Ahh það er svo æðislegt hvað maður getur verið sjálfhverfur og vitlaus. Þjófurinn náðist því hann ákvað að nota símann sem hann rændi, 2 dögum eftir þetta frábæra rán. Við fengum allt til baka aftur, alla skartgripi og svona skemmtilegheit.... allt nema sjónvarpið!

Vona því að það sé einhver hamingjusamur sem nýtur þessa stolna sjónvarps..

.. lesson of the day: Muna að ef að stórir hlutir hverfa úr húsinu þínu þá er ekki víst að fjölskyldan þín hafi fengið þá lánaða!

Rafting..

2005-06-20T02:41:00.000-07:00

.. er æðislegt!
Fórum á fimmtudegi og komum heim á sunnudegi. Rafting á laugardegi og gleði þar á milli. Guð minn almáttugur hvað þetta er skemmtilegt! Allir þeir sem ákváðu að koma ekki með, fá kannski enga marbletti, en missa af ÖLLU og því í lagi að gera grín að þeim....

Allir þeir sem þekkja mig hafa heyrt mig tuða út af þessu, ætla að hlífa ykkur í þetta skiptið og setja inn myndir fljótlega í staðinn....

ÞETTA VAR GEÐVEIKT!!!!

ps: næsta sumar er það Jökulsá eystri og Hólmsá verður tekin með trompi!!!
markmið: fá glóðarauga og marblett á hægri öxl!

CIAO!

Fyrri líf...

2005-05-30T15:44:00.000-07:00

Mér var bent á þessa síðu um daginn.
Þessi síða hefur að geyma ýmislegt misskemmtilegt, próf og allskonar tímaeyðslu. Mér var hinsvegar bent á link sem heitir Fyrri líf og er vinstramegin á þessum annars tilgangslausa vef. (fyrir utan súkkulaðiprófið auðvitað)

Hér eru niðurstöðurnar mínar:

Ég veit svo sem ekki hvað þér finnst um það...en þú varst karlmaður í þinni síðustu tilvist.
Þú fæddist í síðasta lífi á stað nálægt Frakklandi á því herrans ári 1400. Þú starfaðir sem: bankastjóri, okurlánari, peningalánari og dómari.

Hér er stutt lýsing á þér og högum þínum í síðasta lífi:
Persónuleiki þinn var dulúðugur bóhem, hæfileikaríkur með auðugan skilning á fornum tungumálum. Þú varst göldrum gæddur og gætir hafa verið í þjónustu myrkravaldanna.

Hvaða skilaboð færir fyrra líf þér til þessarar jarðvistar?
Þín skilaboð eru: Þitt verkefni er að læra að treysta umheiminum. Hafðu einnig að markmiði að mennta þig frekar og kynna þér andleg efni.

Og þar hafiði það. Ég var ógeðsleg frönsk karlremba (sé ég fyrir mér) sem starfaði sem dulúðlegur bóhem bankastjóri, dómari myrkravaldanna í frístundum, peningapúki mikill og göldróttur í þokkabót.
Ég ætla að skíra sjálfan mig Jacques.

Verkefnið er búið.......

2005-05-17T14:58:00.000-07:00

Já, þriggja vikna lokaverkefnið mitt er búið. Þetta er búið að vera stór og feit törn og síðustu 3 dagarnir voru svakalegir.. en nú er það yfirstaðið YAAYYYY!! Ég svaf 4 tíma í fyrrinótt og svo var vakið til klukkan 12 í dag því þá dó ég og var að ranka við mér núna, kl er 22:00 og ég er alveg að fara að sofa aftur!

Andrúmsloftið í þessum verkefnum verður alltaf jafn súrt og því til staðfestingar eru hérna tveir tölvunördabrandarar sem voru framkvæmdir á meðan verkefni stóð og Jakobar setti á síðuna sína.. þeir eru bara svo asnalegir :D

Mamma þín varð til vegna allra þeirra mömmubrandara sem þurfti að borga fyrir í verkefninu. Metnaðurinn fyrir því að finna mömmubrandara var orðinn frekar mikill...

Tilvik af klasa var nú eiginlega bara eitthvað sem við rákum augun í og var frekar fyndið, svo varð það bara ennþá fyndara þegar þetta kom á b2 sem "Tölvunördabrandararnir verða nú varla grófari en þetta".

Ahh good times... jæja, góða nótt og sjáumst næst þegar ég vakna. Sem verður væntanlega á fimmtudaginn í næstu viku :)

Í minningu Perlu...

2005-04-16T09:12:00.000-07:00

Í minningu Perlunnar..
Perla var alltaf ung í anda og gerði marga hluti um ævina. Ég man fyrst eftir henni áður en ég flutti í Ásbúðina. Þá átti ég heima í Hrísmóum og við vorum að fara að flytja. Ég var að labba heim til ömmu ( sem átti þá heima á Móaflöt) og sá þar hund koma hlaupandi að mér og hann elti mig heim til ömmu. Við héldum að hann væri týndur svo við skutluðum honum heim, í Ásbúð 87. (þetta var ss Perla ) og þetta kom allt fyrir áður en ég kynntist Ernu. Nokkuð magnað..

Kom oft og mörgumsinnum í heimsókn til okkar hér í Ásbúð 85 til að kæla sig á flísunum þegar það var gott veður. Kom einnig í nokkrar kurteisisheimsóknir eftir að Erna flutti í Rjúpnahæðina...
.. kúkaði á umferðareyju (þar sem var mikil umferð og fullt af fólki ;)
.. horfði stíft á kött hjá læknum

Mun alltaf minnast hennar sem yndi og góðs félaga. Perla var einstök!

Samúðarkveðjur til Ernunnar minnar og fjölskyldu.

Hef lært mig til enda...

2005-04-09T18:41:00.000-07:00

Það er búið að vera svo brjálað að gera í skólanum undanfarnar vikur að ég hef ekki haft tíma né nenn til að skrifa hér inn.. ég náði þó að búa til myndasíðu. Sem er kannski ekki merkileg.. en myndasíða engu að síður.
Svo er ég líka búin að bæta Degi mínum kæra hérna inn sem bloggvin.. myndabloggvin. Held að mannanafnanefnd ætti að taka Myndabloggvin til greina.. hljómar mannanafnalega! Hún gerir þá ekkert annað en að banna það... eins og Aðalbjörgvin!

Jæja.. ég hef svo lítið áhugavert að segja að ég er að pæla í að hætta þessu og fara að sofa. Ég var hinsvegar að borða eplaköku og þær eru svo góðar.. ohhh!! Sérstaklega með ís..

Nóg af því! Var samt að velta því fyrir mér hvort það sé hægt að læra á sig gat. Og ef svo er.. hvernig í ósköpunum maður fer að því. Ætli það sé ekki hægt að fara í sjúkrapróf út af slíku:

Heyrðu fyrirgefðu.. ég er hérna með gat sem ég virðist hafa lært á mig.. þetta er svolítið sárt! Má ég ekki taka sjúkrapróf??

Lærugöt

Svo er CatPower lagið mitt.. Good Woman yndislegt!

Árshátíð og skemmtilegheit...

2005-03-13T13:22:00.000-08:00

Já.. árshátíð Visku fór vel af stað og var mannskapurinn orðinn frekar hress eftir aldeilis ágætt fyrirpartý hjá Ara.. takk Ari!!! Ernan kom með mér og fékk að kynnast því hvernig það er að vera stelpa í tölvunarfræði.. og það er alls ekki svo hræðilegt.. sérstaklega þar sem ég komst að því að ég er í frábærum bekk!!!
Ég ætla nú ekki að hafa þetta langt... vildi bara kom því á framfæri að þetta var eitt skemmtilegasta djamm sem ég hef farið á í langan tíma. Maturinn var æðislegur, Milljónamæringarnir stóðu svo sannarlega fyrir sínu, allir í súper góðu skapi og fullt af myndum sem Anna Sigga tók.
Ekki má gleyma honum Gunnari Birgi sem var svo vænn að skutla okkur heim eftir langt kvöld. Takk Gunnar Birgir minn.. þú berð af í að snúa bökkum út um allt!!! :D

Þrátt fyrir gleymda miða, auma fætur, hárgreiðslur sem eru mjög fínar, bakkasnúning og hressa kennara er sko ekki hægt að kvarta yfir þessu djammi og ég vona að ég eigi eftir að upplifa nokkur slík til viðbótar.

Hér erum við Erna svo í Ísdrottningunni hennar Önnu Siggu .. við erum eins og Svart og Hvítt!!

Gleði gleði gleeeði...

Sumarbústaðurinn minn...

2005-02-27T09:17:00.000-08:00

Þegar ég verð rík og fræg verður þetta sumarbústaðurinn minn og ég mun bjóða ykkur öllum þangað til að grilla humar og truflur!!!

Svona er að eiga heima í skýi...

2005-02-23T05:53:00.000-08:00

Þá er þokan að fara. Búin að hangsa hérna hjá okkur í að verða 3 daga. Nokkuð magnað.. eins og það er nú notalegt að hafa þoku þá var þetta nú að verða of mikið af því góða. Ég er voðalega fegin að fá gluggan minn og útsýnið aftur. Sérstaklega þar sem ég er í miðjum miðannarpófum...
Núna veit ég hinsvegar upp á hár hvernig það er að eiga heima í skýi.. eða á hafsbotni.
Það er annars alveg æðislegt veður í dag. Enginn vindur og þónokkuð hlýtt, í furðulegum skilningi. Fór út í morgun og ég fann svona sumarlykt. Ég get ekki útskýrt. Þeir sem þekkja mig vita hvað ég er að hugsa... Fuglarnir voru að verða brjálaðir. Syngjandi í kapp við hvorn annan og ég gersamlega fylltist óendanlegri tilhlökkun til sumarsins. Vá hvað ég get ekki beðið...

grillboð,
allt grænt,
lykt af nýslegnu grasi og fullt af krökkum í unglingavinnunni í sólbaði,
sumarbústaðir,
sólskyn og gott veður,
útileguvesen,
fuglasöngur,
allir að hittast í sólbað og feitt í Ásbúðinni,
allir í góður skapi,
allir Íslendingar í stuttermabol,

... fyndið að þegar hitastigið hérna á Íslandi fer yfir 13°C ákkúrat, eru allir komnir í sumarföt! Sem mér þykir æðislegt, veit alltaf þegar sumarið er komið í Íslendinga...

Annars var ég að fá lítinn kisa. Vitum ekki enn hvað hann heitir. Skræfa er loksins hætt að pína hann .. lemur hann bara smá þegar hún labbar fram hjá honum ;) OG um daginn urðum við Egill vitni að svakalegustu norðurljósum sem ég hef séð í langan tíma. Þau voru SVAKALEG... þvílíka og slíka litadýrð hafa mín augu ekki litið síðan á Hrísmóunum, norðuljósin sem duttu í grasið! Þetta kvöld sagði Egill ógleymanleg orð: Vá Elín, þetta eru alveg eins og flöktandi gardínur!

Best að halda áfram að læra svo ég komist í köku til Ernu í kvöld!

Stórhættulegar eldspýtur...

2005-02-18T11:52:00.000-08:00

Ég fann þennan eldspýtnapakka heima hjá mér í dag.. af einskærri tilviljun fór ég að skoða hann nánar og rak augun í mjög æðislegan frasa...

... held að myndin segi allt sem segja þarf!

Danger - Fire Kills Children

Kannski að maður ætti að nýta sér þetta. Kveikja í einum svona pakka og henda honum í djöflabörnin sem eru alltaf að ræna kisunum mínum....

Nördatest

2005-02-14T06:36:00.000-08:00

Overall, you scored as follows:

54% scored higher (more nerdy), and
46% scored lower (less nerdy).

What does this mean? Your nerdiness is:

Somewhat nerdy. I mean face it, you are nerdier than about half the test takers.

Ég er að umbreytast...

Kattafár!

2005-02-02T01:09:00.000-08:00

Já.. ég var ekki fyrr búin að ná í skottið á kisanum mínum aftur að hann er tekinn í burtu frá mér fyrir fullt og allt. Ég er alveg ótrúlega leið yfir þessu, ekki alveg búin að fatta þetta ennþá held ég. Í gær var keyrt yfir Mal og núna er hann dáinn. Bara sisona... hringt í mig frá dýraspítalanum og mér tilkynnt að komið hefði verið með hann látinn í einhverjum svörtum ruslapoka! Ég þoli þetta ekki, við erum nýbúin að svæfa Potta og núna kemur þetta fyrir. Kannski maður ætti bara að hætta þessu kattastússi, það er alveg ótrúlegt hvað það er sárt þegar þau deyja!
Held nú samt að Malur hafi verið seinheppnasti köttur á Íslandi. Hann týndist frá okkur þegar hann var 2.5 mánaða og fannst 2 vikum seinna á kattholti. Þaðan fékk hann voðalega fínt kvef og þurfti þar af leiðandi að láta mæla sig og fleirra (sem er víst þónokkur niðurlæging fyrir kött) og láta troða ofan í sig pillum í 2 vikur. Ásóttur af djöflabörnum heilt sumar, og lengur.. kom einusinni inn rennandi blautur og vankaður, ískaldur og titrandi. Daginn eftir það náði pabbi minn að hlunka sér ofan á hann og ég þar á eftir. Valli ruggaði einusinni yfir skottið á honum.. svo týndist hann aftur í einn sólarhring í brjáluðu veðri. Loks var hann sviptur fress-mennskunni og geldur og núna náði eitthvað fífl að keyra yfir hann!
Þrátt fyrir allar hremmingarnar sem hann gékk í gegnum var hann alltaf ótrúlega slakur og kærulaus (ef ekki kærulausasti köttur sem ég hef séð og átt) og feitur og asnalegur og ótrúlega forvitinn. Ég á eftir að sakna hans svo ofboðslega mikið... oj hvað þetta er fúlt og ósanngjarnt!
Núna er Skræfan mín ein eftir, hefur verið hjá okkur frá því hún fæddist (eins og allar þær kisur sem við höfum átt fyrir utan Cleo, sem er móðir 3/4 allra katta á Íslandi). Ég ætla rétt að vona að eitthvað komi ekki fyrir hana því þá spryng ég úr vonsku og biturleika...
Jæja, hér kemur svo mynd af systkinunum...

Skræfa og Malur

Kattaþjófar!!!

2005-01-24T10:31:00.000-08:00

Vá hvað þetta er algerlega óþolandi!

Í götunni fyrir neðan mína götu á heima fólk. Þetta fólk er bæði vitlaust og asnalegt og þar af leiðandi börnin þeirra líka. Þessi börn byrjuðu í sumar að áreita köttinn minn.. JÁ ÁREITA KÖTTINN MINN hann Mal. Elta hann út um allt, taka hann heim til sín og gefa honum að borða. Við buðum þessu fólki að taka Mal okkar að sér, þar sem krakkarnir virtust vera að fara úr límingunum yfir dýrinu, en móðirin á heimilinu neitaði afar pent og sagðist ekki vilja svona aldraðan kettling (hennar orð). Við ákváðum því að halda honum, okkur til ánægju því hann reyndist svo verða hinn ágætasti köttur með æðislegt skap, mikinn malara og frábær í alla staði.

Þegar leið á sumarið var þetta farið að fara svolítið í taugarnar á mér, þar sem þessi krakkarassgöt voru farin að ryðjast inn í húsið mitt án þess að banka eða fá leyfi fyrir því (nú til að ná í köttinn) og vekja okkur á morgnana, sparkandi, æpandi og veinandi fyrir utan að bíða eftir því að Malur færi út. Ég fékk þó algerlega nóg þegar þau héngu eins og ógeð inn um kattalúguna að kasta inn matarleifum enda hljóp ég út í bræðiskasti öskrandi, frussandi og baðandi höndunum í allar áttir.... ég vann, þau flúðu skríkjandi heim til sín aftur! Mánuði seinna sé ég þau í garðinum heima, að fela sig fyrir mér, að elta Mal uppi. Enn og aftur hljóp ég út og gargaði heiftarlega á þau.. en þau komu alltaf aftur og aftur og aftur.. og aftur... og aftur! Sama hvað ég gerði, endaði með því að ég fór og talaði við mömmuna.. en því miður reyndist hún vera jafn mikil loftkúla og krakkarnir og þau héldu áfram að veiða hann og fara með hann heim. Þau vissu samt að ég vildi ekki að þau væru að taka hann, því annars hefðu þau ekki verið að fela sig og hlaupa undan mér í flæmingi.... (hehe.. ég er best). Daginn eftir það kom mamman til mín (þar sem ég var búin að vera að kalla á köttinn í svona 10 min) með Mal og sagði:

Mamman: Krökkunum þykir hann svo æðislegur og frábær, geta ekki af honum séð.. og ekki ég heldur.

Ég: Já, mér líka, enda er þetta kisinn minn. Ekki værirðu til í að segja þeim að láta hann í friði í smá stund og ekki hleypa honum inn til þín? .

Mamman: HA, honum Kolamola, ohh það á eftir að verða erfitt. Væri alveg til í að eiga hann.

Ég: Hann heitir ekki Kolamoli, hann heitir Malur og þetta er okkar köttur.. þið eigið hann ekki og ég vil ekki að þið séuð að rugla hann í ríminu með að draga hann heim til ykkar á meðan hann er svona lítill.

Mamman: Já nei, Kolamoli passar betur við hann...

Þetta eru erkifífl... gæti vel trúað því að hún hafi ekki skilið orð af því sem ég var að segja við hana!!!

Loksins kom smá hlé á þessu stríði.. stríðinu um köttinn MINN!! Vissi ekki að maður þyrfti að berjast við nágranna sína til þess að halda dýrinu sínu heima. En núna er þetta byrjað aftur og enn verra. Eins og allir vita eru kettir tækifærissinnar alheimsins og ef þú ert góður við kött, gefur honum að éta og klappar honum.. þá kemur hann til þín! Núna er Malur hreinlega búinn að flytja inn til þeirra og þau gera ekkert í því. Þeim er alveg sama... (kannski ekki skrítið, þar sem þau eru búin að vera að tæla hann til sín í 7 mánuði). Ég hélt að fólk væri með aðeins meira á milli eyrnanna en þetta.. Svona gerir maður ekki!! Sérstaklega ekki við svona lítil dýr sem eru enn að þroskast og vita ekki baun í bala. Það virðist vera alveg sama hvað ég segi við þetta fólk, þau skilja ekki neitt. Þetta eru bévítans fauvitar og hafa ekki vit á einu né neinu...

Ég kallaði hann inn í dag og sá hann koma út um gluggann hjá þeim!!! Þau eru bara búin að eigna sér hann, hélt að fólk væri ekki svona... úúúúú hvað ég er reiið!! Ég er búin að tala við þau aftur og aftur en þau eru bara blöðruhausar og hugsa sem slíkir!

Maður stelur ekki annars manns dýri.. ég myndi aldrei gera svona. Ef það kemur ókunnur köttur til þín er allt í lagi að klappa honum og svona en ef þú ferð að hleypa honum inn og gefa honum að éta og knúsast í honum... sérstaklega þegar búið er að biðja þig að gera það ekki!!

ÉG ER FJÚKANDI REIÐ...... best að hætta að skrifa núna áður en ég skrifa eitthvað meira reitt!

Ég ætla að ganga inn til þessa fólks og æpa hástöfum í svona 5 mínútur þangað til eitthvað síast inn í hausinn á þessu liði.. þvílíkt og slíkt tillitsleysi og vanvitaháttur er ekki við lýði hér í Ásbúðinni!!!!!!! >:(

Malur

Skólinn er byrjaður aftur!

2005-01-12T14:21:00.000-08:00

Jæja, um að gera að rífa sig upp úr letikastinu sem ég er búin að vera í og reyna að læra eitthvað. Það er erfitt að byrja á fullu aftur... en þetta verður gaman. Ég er búin að skipuleggja mig svo mikið að það verður skondið að sjá hvort skipulagið haldist! Skólinn alltaf búinn fyrir hádegi og planið er að læra þar til svona 5 eða 6 á daginn svo kvöldin séu frí fyrir eitthvað skemmtilegt.. eða meiri lærdóm ef svo ber undir!

Dagsrá næstu vikna er nokkuð skemmtileg.. amk helgardagsrkáin! Djamm á föstudaginn, var að hugsa um vísó, er samt ekki viss þar sem Egill er að hóta einhverju djammi.. bæjardjammi, en á því sviði er ég alls ókunn og væri jafnvel til í að kynna mér betur. Helgin þar á eftir er svo feitur og góður sumarbústaður með úrvalsfólki, singstar og Lord of the rings... gleði gleði!
Við fórum hinsvegar á National Treasure í gær og ég var að búast við frumskógum og pýramídum.. en allt kom fyrir ekki! Það skemmtilegasta við þessa bíóferð var þegar Egill reyndi, á mjög lúmskan hátt, að stela nærbuxunum hans Jens en þegar komst upp um hann sagði hann á mjög rólegan og yfirvegaðan hátt: "Hey, hvað er þetta.... oj" og kastaði þeim aftur á sinn stað. Ég fer ekki í frekari málalengingar um hvar þessar nærbuxur voru.. þar getið þið leift ímyndunaraflinu að njóta sín!

Kíkið annars á þessa slóð hér ef þið viljið sjá hvernig þið mynduð líta út sem kínverji, svertingi.. eða málverk! Vildi helst ekki setja inn mynd af mér sem gamalmenni eða barni þar sem það er of hræðilegt til að lýsa, hvað þá sjá með berum augum!

Ég í fyrirfram ákveðnu málverki...

Til hamingju með íbúðina Erna og Jens!!

2005-01-07T08:13:00.000-08:00

Vil nýta mér möguleika bloggsins míns og óska Ernu og Jens til hamingju með íbúðarkaupin. Skoðið samt síðuna hennar Ernu svo ég sé ekki að kjafta frá öllu....

Þetta ferli var vægast sagt afar skrautlegt og spennandi, og ekki síður spennandi fyrir mig, enda mikið um að vera. Eftir 3 daga íbúðartörn og 3 daga kvart og kvein frá okkur vinunum um að koma að spila var rykinu af pictionary/actionary loks sópað af og upp hófust miklir leikar. Erna fór á kostum sem kolkrabbi.. ógleymanleg sjón.. við mikil hlátrasköll viðstaddra!

Hér kemur svo mynd af tilvonandi matarboðsbjóðendunum okkar... ef þau matarboð verða ekki í ítalskari kanntinum, þá veit ég ekki hvað!!!

Ég vil deila því með fólki að þessi mynd var tekin með mínum sérlega myndavélasíma. Þeim einstaklingum sem dettur í hug að kaupa sér slíkt tól til þess eins að leggjast í ljósmyndun er hér með bent á að símar eru til þess að hringja úr en myndavélar til að taka myndir!!

Stoltir íbúðareigendur

Virkar Birgitta Haukdal ekki!!!

2005-01-04T19:56:00.000-08:00

Mér var bent á þessa umræðu á barnalandi fyrir stuttu og ég hreinlega get ekki hætt að hlæja!!
Þetta er það frábærasta sem ég hef lesið í langan tíma....

Hæ, ég er virkilega smeyk um son minn sem er 9ára.. hann hlustar á mjög grófa tónlist og ég er mjög hrædd um að hann verði sér að voða og lendi í rugli og vitleysu.. Ég fór um daginn inn til hans og gaf honum nýju Birgittu Haukdal plötuna, en ég hef ekki heyrt hann spila hana neitt... Hann segist ekki vilja hlusta á neitt annað en gróft rokk.. Hvað á ég að gera, ég fæ ekkert nema skammir og leiðindi þegar ég krefst þess að hann hætti að hlusta á svona tónlist... Hjálp!!

Birgitta Haukdal eru auðvitað þungur rokkari af guðs náð og ég efast ekki um.. vitna hér í Egilinn minn.. að strákurinn fatti af hverju hann er að missa og blasti Birgittu Haukdal þangað til kviknar í geisladisknum. Ég meina, hann hlustar nefnilega bara á grófa tónlist!!

Hér sést Birgitta í action.. hún fettir alveg upp á nefið af bræði!!

Birgitta Haukdal craazzy!!

ÉG GLEYMDI ÞESSU

2004-12-25T09:44:00.000-08:00

Já, ég gleymdi næstum að ég væri með blogg. Ætlaði að laga bloggið mitt blessað en það fór svo sannarlega fram hjá mér bæði í verkefna og jólastússi. (Ekki það að jólastússið hafi verið e-d gígantískt)
En mínir kæru bloggestir.. það kemur nýtt og betra bráðum. Myndir og fínerí svo "stay tuned" fyrir allskonar djúsí sögur og kæruleysi..
.. fór á mjög fínt djamm eftir lokaverkefnið og ég mæli með því að allir skoði síðuna hans Franks til að sjá myndir af því. Afskaplega upplífgandi fyrir sálina...

Ég er farin að borða Rísalamann.. (ekki maður úr hrísgrjónum)!

Vika eftir og allt gengur vel..

2004-12-10T17:16:00.000-08:00

Hellouu... það er búið að vera mikið að gera og Bón-Air er að verða fullgilt og frábært flugfélag. Núna er bara vika eftir af verkefninu mínu og mér finnst við bara rétt nýbúin með kerfisgreiningarhlutann. Ég er alveg að komast í jólafrí...
Já, þetta er búið að vera mikið ævintýr, á köflum erfitt en ógeðslega skemmtilegt. Mikið og margt hefur átt sér stað og mig langar að segja frá því öllu, en umhverfið er orðið svo gerjað af einkahúmor og bröndurum sem erfitt er að komast inn í að ég ætla að fara varlega í það.
Tvær vikur frá 8 -8, stundum lengur, af forritun innan um illa sofið fólk hefur sín áhrif og myndin hér að neðan staðfestir það nokkuð vel. Allir hópar eru komnir með einkennisnöfn sem yfirleitt eiga nokkuð vel við. Ég og Jakob ákváðum að buffin í okkar stofu (ss forritunar-buff, buff = mjög klár forritari) yrðu kölluð Buff-Air og teiknuðum því til staðfestingar mynd beint fyrir aftan borðið hjá þeim. Tók okkur rúman klukkutíma að teikna þessa fínu mynd, enda hið fínasta logo ;)
Núna er maður búinn að kynnast hópfélögum sínum (og örðum hópfélögum í öðrum hópum) og ýmsir hlutir eru að koma í ljós, allir frekar skondnir. Andrúmsloftið í stofunni minni er nógu dularfullt fyrir mig að marinerast í og sem betur fer eru allir frekar rólegir á því, með svipaðan húmor og hamingju.... stöku sinnum kemur ljónið í heimsókn og segir frá sínum hugarórum, en það er samt ekkert svo oft.
Fyrsta sunnudag verkefnisins var haldið Bingo-kvöld þar sem brjálæðisleg bingó-stemma var í gangi. Fólk var farið að flykkjast að til að fylgjast með undrinu og uppúr krafsinu fékkst rafmagns-scooter ,sem er svo sannarlega búinn að stytta okkur stundir, 1000 tómatsósubréf og dublo-drjólinn. Hjalti og Frank eru stofnendur fyrsta HR-Bingóliðsins og mun það seint gleymast....
Það hefur svo mikið gerst á síðustu tveimur vikum að ég hef hvorki vilja né pláss til að koma því öllu fyrir hérna í smáatriðum, hægt er að skoða myndir af fólki sem Jakob tók, svo og hans hlið á málinu, og fyljast með því hvernig við hægt og rólega forritum okkur í kaf. Það er líka hægt að skoða myndir sem Hjalti tók með aðeins öðruvísi sjónarhorni þar sem hann er þekktur af sumum sem uppáhaldsljósmyndari. En hann er ofboðslega flinkur... tók hann ekki 5 minutur að græja þessar myndir....!!!!

Ég veit ég er gegnsýrð af þessu og tala um lítið annað en Bón-Air inn minn, ég gæti setið hér í allt kvöld og sagt frá dónalegum bröndurum og frösum sem tengjast málinu en ætla heldur að sleppa því. Ég er enn á lífi... að einhverju leiti... og læt ykkur öllsömul prufa kerfið mitt áður en ég þarf að skila því!!

Súrrealiskt andrúmsloft...

Ég á mér hóp.

2004-11-24T10:33:00.000-08:00

Jæja mín kærustu.
Ég er officially búin í prófunum og gekk bara fínt. Mikið og feitt ( eða lítið og þröngt) próflokadjamm var haldið mánudaginn 22. nóvember hjá Hjalta þar sem bæði gítar og veik börn komu til sögu. Fúriúsir nágrannar, brennandi borg og misfagrar myndir sem Frank tók af partýgestum. Verð nú að viðurkenna, þrátt fyrir skyndilegt "hvarf" húsráðanda, að þetta var með betri partýum í langan tíma. (tek ekki með ónafngreint partý með brotinni rúðu)
Þó svo prófa-rassgötin séu búin er mikið eftir. Hið alræmda lokaverkefni bíður nú eftir því að láta leysa sig og síðan flytja 16. desember. Mikið stress var í sambandi við hópaniðurstöður hjá mörgum, þó sérstaklega varðandi "ljónið". Ég lenti í þessum líka fínasta hóp og er bara massa ánægð með. Á þessum 3 vikum verður mikil og þung keyrsla.. en án efa mjög skemmtilegt.

Uppskrift af góðum tölvunarfræðinemahóp í lokaverkefni á fyrstu önn!
(sem á eftir að finna nafn á)

1 stk. Anna Sigga
1 stk. Jakob
1 stk. Hrólfur
1 stk. Andri
... og ég!

Næstu þrjár vikur verða sko skemmtilegar...

... mig langar í meira snickers!

2004-11-21T13:15:00.000-08:00

Ég geri víst lítið annað þessa dagana en að tala um lærdóm og því fannst mér við hæfi að birta þetta samtal sem ég átti við Ernu fyrir 5 mínútum. Eins og kannski flestir sem lesa þetta blogg vita, er ég í tölvunarfræði og Erna er í lögfræði... það eru greinilega fleiri en ég sem kveljast! Bara á mismunandi vegu....

Erna:
að verða geðveik á þjóðarrétti

Ella:
ha... i´m completely lost
Ella :
já
Ella:
svoleiðis
Ella:
ég er að verða geðveik hérna... mig langar út að renna mér! EN.... tölvuhögun er svo miklu skemmtilegri!

Erna says:
já... ég er búin að vera að glósa þjóðarrétt í 14 daga
Erna says:
skemmtilegt? hvað er það aftur?

Ella:
ehheeewwww..
Ella:
veistu.. ég man það ekki alveg!
Ella :
ég er meira að segja hætt að hugsa að ég VERÐI að læra.. ég læri bara!

Lærdómslíf.. seinasta prófið á morgun og svo törn til 17 des. Ég hef sjaldan hugsað svona um lærdóm, enda er heilinn á mér mjög í líkingu við þessa mynd hér að neðan!

Ruglingur!

Jólalagasamkeppni...

2004-11-13T09:02:00.000-08:00

Bara því hitt var orðið svo yfirfullt af kommentum, og ég vil ekki týna þessum link, þá er hægt að hlusta á bringuhnetulagið fræga hér fyrir neðan. ÓJÁ.. ég sagði bringuhnetulagið!
Til að greiða úr öllum hugsanlegum og óhugsanlegum misskilningi þá er ég EKKI búin að hlusta á þetta yndislega jólalag... mjöög erfitt en ég held það út!
TIL ERNU: Passaðu þig að ýta ekki á linkinn hér fyrir neðan.. verður virkur fyrir okkur 21. des ;)

Hér má hlusta á JÓLALAG JÓLALAGANNA!!!

Og lagið sem bringuhneturnar mínar eru að keppa við

Endilega hlustið á jólalögin og segið mér hvað ykkur finnst. Ég held ég eigi eftir að massa þetta sko!

En já.... búin að drepa smá tíma, ætla að halda áfram að narta utan af snickersinu mínu og læra meira ...

Tækifærislæri!

2004-11-07T07:31:00.000-08:00

Jamm og já . . .
Eftir miður ánægjulega færslu hér síðast kemur önnur frekar óspennandi. Prófin eru eftir viku.. EFTIR EINA VIKU.. og ég er á kafi í að læra. Eftir prófin tekur svo við þriggja vikna verkefni, þannig við fáum eins dags hvíld á milli verkefna, sem er mikill og góður léttir. Ég ætla að nýta þann dag vel og taka til inni hjá mér þar sem herbergið mitt er eins og fordyri helvítis!!
Ég og Erna höfum ákveðið að bíða með að spila Chest-nuts (sem er jólalag jólalaganna (og ég veit ég er að skirfa bringu-hnetur)) þangað til 22. desember því þann heilaga dag klárar hún prófið sitt eftir mikla og þunga keyrslu. Kærkomin hvíld fylgir þvílíkum degi og munum við halda upp á hann með jólabíltúr, bringu-hnetum og jólanammi! Ohh, ég get ekki beðið.

Myndina hér fyrir neðan sendi Erna mér um daginn. Þykir mér hún lýsandi fyrir ástand margra nema á þessum tímapunkti hvort sem það eru tölvunar, viðskipta, lögfræði, lækna eða verkfræðinemar! Þyrfti kannski að hafa eina tölvu þarna fyrir okkur tölvunördana.. en það kemur varla að sök. Þessi mynd segir allt sem segja þarf....

Flott þetta..

Sorglegasti dagur...

2004-11-02T09:56:00.000-08:00

Í dag þurftum við að svæfa kisann okkar, hann Potta. Það er alveg ótrúlegt hversu vænt manni þykir um dýrin sín og hversu sárt það er að þurfa að kveðja. Ég er alveg ótrúlega leið yfir þessu, mér þykir þetta svo hræðilega ósanngjarnt og ömurlegt og veit hreinlega ekkert hvernig ég á að haga mér. Enda á ég voðalega erfitt með að lýsa því í orðum hvernig mér líður núna.

Okkur var tilkynnt það í síðustu viku að hann væri með beinkrabbamein. Við svoleiðis sjúkdóm kemur í raun ekkert annað til greina en að leifa dýrinu að fara, sem okkur var bent á og okkur fannst eðlilegast að gera. Þegar svona kemur upp á er alveg ótrúlegt hversu sjálfselskur maður getur orðið. Í raun eðlilegur hlutur því það er erfitt að sætta sig við hið óumflýjanlega og sleppa takinu af því sem manni þykir vænt um.. alveg ofboðslega erfitt. Ég bjóst í raun ekki við því að þetta yrði svona sorglegt og mikill söknuður því ég vissi að hann var veikur og leið hálf einkennilega. Það er líka svo erfitt að hugsa til þess að hann hafi ekki haft hugmynd um hvað væri að fara að gerast. Ég veit að maður á ekki að hugsa svoleiðis því hvernig í ósköpunum ætti hann að vita það. Það er bara svo átakanlegt, eins og í morgun þegar við fórum með hann þurftum við að kalla á hann inn, þar sem hann var að spóka sig úti í morgninum og hann kemur hlaupandi til okkar (eins og hann gerði alltaf) mjálmandi til að láta vita af sér. Dýrin þín reiða sig svo mikið á þig.. og svo gerir maður eitthvað svona. Fórum með hann í bíl, sem hann er skíthræddur við, og á dýraspítalann og hann skilur ekkert af hverju við erum að þessu.
Þetta er líka svo sárt því ég veit að hann kemur aldrei aftur og það auðvitað stingur mann í hjartað, þessi saknaðartilfinning.. og biturleikinn.

En nú er Potti minn farinn á betri stað og sem betur fer er þetta yfirstaðið. Dýralæknirinni sá meira að segja á honum hvað hann var orðinn lúinn og þreyttur. Ég er því voðalega fegin að við fórum með hann í skoðun og komumst að þessu áður en hann var farinn að finna til. Við fundum fínan stað úti í garði handa honum hjá blómunum sem hann eyddi öllum sumrum í að borða þangað til ekkert var eftir af þeim, svo hann ætti að vera glaður núna.
Potti var æðislegasti kisi sem ég veit um og mér þótti alveg ótrúlega mikið vænt um hann. Það er ekki til neinn eins og hann. Hálfgerður hunda-kisi, stór, loðinn, feitur og latur og alveg sama hvað við hann var gert. Ég ætla ekki að fara að telja upp hans helstu kosti því þá fer ég að gráta meira.. ég veit hverjir þeir eru og þeir sem þekktu hann vita það líka og ég held að það sé best svoleiðis. Þetta er voða drama hjá mér, en ég bara varð að koma þessu frá mér.

Potti feiti hefði orðið 2 ára núna 5. desember næstkomandi. Hann átti um það bil 25 systkini, 4 jafngömul honum og svo 4 frændsystkini... verða mikil ættamót þegar þau hittast öll aftur :)

Pottinn minn!

PHEW!!

2004-10-30T11:36:00.000-07:00

Ég sá svolítið dularfullt í sjónvarpinu í gær. Það var verið að auglýsa klósettstein, svona til að hengja á hliðina á klósettinu svo klósettinð verði algerlega tandurhreint og fínt. (*hóst*)Anywho..

Í byrjun auglýsingarinnar gengur kona inn á baðherbergið sitt. Þar tekur á móti henni klósett sem talar. (mjög fríkí) og segir eitthvað álíka : "uhh, viltu gera svo vel að fara út, ég er skítugur og það er vond lykt af mér, ég þoli þetta ekki lengur.. gersamlega ÞOLI ÞETTA EKKI!! " Konan bakkar út af klósettinu mjög undrandi.. svo auðvitað finnur hún þennan æðislega stein og þá er allt svo miklu betra og frábærara. Hún er á leiðinni á klósettið og það fagnar henni og segir svolítið, sem ég man ekki alveg en er á þessa leið: "óh, hæ. Velkomin, ég er svo hreinn og eitthvað ! " Í fyrstu er konan hissa, eins og í fyrra skiptið, en setur upp svona *hamana* svip og gengur inn á baðherbergið. Ekki fylgdi auglýsingunni hvað hún var að fara að gera... en PHEEEHHEEW!!!

Ég myndi pottþétt ekki vilja eiga heima í húsi þar sem væri talandi klósett! Hugsið ykkur ef það færi nú í fýlu og væri að blaðra í gesti og gangandi? Talandi klósett...... ég hef aldrei séð jafn creepy auglýsingu og vonast til þess að sjá hana aldrei aftur...

((((((((hrollur))))))))

phew!

Hvað er að ske

2004-10-28T16:10:00.000-07:00

Ég komst að því um daginn að mannskepnan var byggð til að kvarta. Það er aldrei neitt nógu gott, nema súkkulaði að sjálfsögðu, og nágranninn á alltaf e-d æðislegra og betra.
Þetta er óþolandi eiginleiki, ef eiginleika skyldi kalla.. og það sem verst er, þá gæti ég vel verið forsprakki kvörtunarfélagsins á Íslandi. Dæmigert er fyrir kvartara að kenna öðrum um það sem illa fer og smokra sér undar hverskonar áskorunum.
Sumir segja að maður sé einn ábyrgur fyrir hamingju sinni.. en ég segi... jú ókei það er nokkuð til í því .. en ég held mig samt við nöldur og kvart, þar sem neðangreind málsgrein er einstaklega vel orðuð og skemmtileg! :)

"Dear god.. if you cant make me thin, please make my friends fat !!! "

... amen!

Næstum eins og nýtt . .

2004-10-25T14:37:00.000-07:00

Jæja . . var voða klár og fékk mér nýjan bakgrunn. Setti inn nokkra linka á aðrar bloggsíður, furðulega hluti og drög að myndaalbúmi. Hinsvegar, þar sem nýji bloggtitillinn minn er svo lýsandi, get ég ekki í augnablikinu sett inn commenta dót. Tölvulærlingurinn sjálfur! Svo þið verðið bara að gera grín að stafsetningarvillunum mínum í huganum sem stendur!
Frábærlega innanpíkubleika síðan mín er þó ekki öll, þar sem ég hélt örlitlum bút af henni í þessu líka fína bleika blómi í hægra horninu.

Af hverju er síðan svört, hugsið þið kannski. Jú, af því að ég stal henni af netinu frá e-r sem var búinn að leggja geðveika vinnu í hana . . . eða ekki, því það vantaði kommenta dót!

Googlaðu það ...

2004-10-22T18:21:00.000-07:00

The one.. the only.. Elín Helga aka Spanky!

Um daginn sagði Jakob, sérlegur skólabróðir og viskubrunnur mikill, mér frá svolítið merkilegu. Ef þú ert í vafa um eitthvert atriði Googlaðu það.. og treystu mér, þú finnur það sem þú ert að leita að í 90% tilfella! Hann var líka eitthvað að kvarta yfir því að ég væri ekki með neinar myndir, bara einhverjar myndir ... bætti úr því! Svo, í minni víðförlu leit á netinu að öllu milli himins og jarðar, ákvað ég að Googla sjálfa mig! What a surprise. Fyrst skrifaði ég nafnið mitt í gluggann og fékk þar upp áfanga í FG sem ég fékk metna og þá áfanga sem ég fékk ókeypisis, skemmtilegt það . . svo reyndar kom nafnið mitt upp í minningarlista Einars Arnar Birgissonar!! :|
Þar sem ekkert merkilegt poppaði upp við þá leit ákvað ég að reyna á myndahlekkinn og sjá hvort ég fyndi einhverjar subbulegar djammmyndir, en allt kom fyrir ekki! Þó ekki hafi verið mikið um myndir af sjálfri mér fann ég fullt af myndum af módelum í öllum stærðarflokkum, kisum, hundum, fjölskyldumyndir... af þreyttum húsmæðrum, litlum stubbum og svo þessar frábæru myndir sem þið sjáið hér að neðan. Ég veit að ég er mikill tölvusnillingur og er með 1 mynd í einu og svona . . . jújú, ég er frábær! En þið verðið bara að horfa fram hjá því og einbeita ykkur að því sem skyptir mestu máli. Allar þessar myndir tengjast nafninu mínu á einvhern hátt. Lamadýrið heitir td. Ella, hundurinn líka. Teikningin var skýrð Elín_the_candylady eða eitthvað álíka og svo þessi líka meistaralegi tómatur!!
Þarna sjáið þið hvað innviði internetsins geta verið stórmerkileg og meiriháttar æðisleg! *hóst* verð nú samt að viðurkenna... þetta lamadýr gæti vel verið fjölskyldumeðlimur!!

2004-10-22T18:20:00.001-07:00

Svo fín litamynd ..

2004-10-22T18:20:00.000-07:00

Mjög æðislegur tómatur

2004-10-22T18:19:00.001-07:00

MIB hundurinn ... eða svo gott sem!

2004-10-22T18:19:00.000-07:00

Lamaface ...

Tíminn . . .

2004-10-20T11:52:00.000-07:00

Eins og alla aðra daga ákvað ég snemma í morgun að læra að eilífu til klukkan 9 til að geta skemmt mér og hlegið illyrmislega yfir væluskjóðunum í Americas Next top model. En auðvitað lét seinkunarpúkinn, sem situr btw á hægri öxlinni á mér, til skarar skríða og svæfði mig frá 2 - 6! Sem er nýtt heimsmet í letipúkaskap . . . eða svona næstum því!
Þegar ég vaknaði og fór að hugsa allt of mikið um hvað klukkan væri datt mér í hug tímann okkar Ernu. ÓJÁ ég sagði "tímann" okkar Ernu. Alveg frá því í Garðaskóla, nánast undantekningarlaust í hvert einasta skipti, þegar við lítum á klukkuna hefur hún verið 22:22. Frá því við lágum í hengirúminu heima hjá henni (spólur, Lion King í heimabíó og ryk-popp) til dagsins í dag og þá sérstakelga þegar maður á síst von á ... 22:22!!!
Fyrst um sinn var þetta svolítið 'spooky' en núna er þetta bara heimilislegt og kósí, hvernig sem á það er litið.
Allir þeir sem lesa þetta blogg og skilja hvert ég er að fara . . . endilega segja frá ykkar tíma! Ef ekki eruð þið enn týnd í mikilfengleika alheimsins þar sem það telst nauðsynlegt að finna sér sinn tíma. Eins og sinn innri mann, nema hvað tíminn er miklu skemmtilegri því hann getur bæði verið venjulegur .. og afstæður!

Vá, tveir bloggdagar í röð. Uff, kannski ég verði super-bloggari af guðs náð!

Hverjum hefði dottið það í hug . . . .

2004-10-19T14:51:00.000-07:00

Ég veit það ekki alveg ennþá! Og ég veit ekki alveg hvort ég vilji vita það. Ef ég á að fara að blogga verður það líklega fyrst á tveggja vikna fresti, þar næst annan hvern mánuð. Svo blogga ég kannski þegar ég man eftir því að blogga og loks gleymi ég lykilorðinu mínu!! Á eftir því man ég ekki eftir slóðinni á bloggið mitt þangað til það hverfur, gufar upp eða ... ef ég verð voðalega óheppin ... ég týni tölvunni minni. Þar sem ekki eru til fleiri tölvur í heiminum og ég er alveg örugglega ekki í skóla sem er uppfullur af allskyns tölvum og tölvufólki ... hætti ég að blogga!
En þar sem ég er nú byrjuð á þessu lofa ég að reyna að nota ekki alltof marga punkta og broskalla. Ég skal reyna að tala ekki um litinn á tannburstanum mínum (vitna hér í raftingfélagið Ernu, góður punktur samt sem áður) og reyna að skrifa um e-d uppbyggilega og vitsmunalegt. *hóst*

Hvað eru mörg blogg í því . . . .